Më 25 dhjetor, të krishterët ortodoksë dhe katolikët në Bullgari kremtojnë Lindjen e Krishtit. Në prag të festës, në Katedralen e Patrikanës "Shën Aleksandër Nevski" u mbajt shërbesa festive e Krishtlindjes, e udhëhequr nga Hirësia e Tij Mitropoliti i Evropës Perëndimore dhe Qendrore Antonij, i cili ishte në bashkëpunim me Peshkopine Melnikut Gerasim, Peshkopin e Bellogradçikut Polikarp, Arkimandrit Vasilij, Peshkopi Pahomij i Branicës - rektor i Seminarit Teologjik të Sofjes, Kryeprifti Vlladimir Tishçuk, përfaqësues i Patrikut Rus në vendin tonë, Prifti Neluc Oprja, përfaqësues i Patrikut rumun në vendin tonë etj. Në fund të shërbesës, Mitropoliti Anthonj lexoi fjalimin e Shenjtërisë së Tij Patrikut Neofit në vigjilje të Krishtlindjes, në të cilën thuhet: “Në një botë gjithnjë e më shumë vuajtjesh e dhimbjesh, konfliktesh ushtarake gjithnjë e më të ashpra, të cilat mbjellin shkatërrim e vdekje, jemi thirrur me edhe më shumë zell të dëshmojmë për mëshirën e madhe, dashurinë e pakushtëzuar dhe paqen që na solli Zoti Jezu Krisht me Lindjen e Tij të mrekullueshme në mish, duke na pajtuar me qiejt dhe duke na treguar rrugën e drejtë për në Atdheun tonë qiellor. E vetmja mënyrë për ta falënderuar vërtet Perëndinë për gjithçka që ka bërë për ne dhe shpëtimin tonë është ta imitojmë Atë në dashurinë e Tij hyjnore dhe në mëshirën e Tij ndaj të gjithë njerëzve".
Grupet e punës ndërdikasteriale do të punojnë për të përshpejtuar zbatimin e projekteve për ndërtimin e kapaciteteve të reja bërthamore në sheshin e Centralit Atomik Elektrik “Kozlloduj” dhe të Korridorit Vertikal të Gazit, njoftoi qendra e shtypit e..
Personat joaktivë në tregun e punës në Bullgari janë mbi një milion. Ata nuk studiojnë, nuk punojnë, nuk kanë regjistrim në zyrat e punës. Kjo “ushtri” është një potencial i madh pune i pashfrytëzuar, theksoi drejtori i Agjencisë për Punësim Smilen..
Gjatë 24 orëve në vijim do të mbajë mot kryesisht i vranët. Vende-vende në gjysmën perëndimore të vendit do të ketë reshje shiu. Do të fryjë erë e lehtë deri mesatare juglindore. Temperaturat minimale do të jenë ndërmjet 6° dhe 11°, në Sofje - rreth..
Numri i vizitave të shtetasve të huaj në Bullgari u rrit me 16.0 për qind në vitin 2023, me kontributin më të madh nga Turqia dhe Rumania. Kjo theksohet..