Dhoma Agrare Bullgare dhe qeveria pritet të nënshkruajnë një marrëveshje për masat me të cilat shteti do të mbështesë fermerët. Nënshkrimi i memorandumit i jep fund aksioneve të tyre protestuese. Por më shumë se 20 organizata bujqësore, duke përfshirë mbarështuesit e kafshëve dhe prodhuesit e serrave, po vazhdojnë të protestojnë. Në një konferencë për shtyp, ata do të paraqesin një deklaratë ku do të detajojnë kërkesat e tyre. Disa prej tyre kërkojnë edhe dorëheqjen e ministrit të bujqësisë Kirill Vëtev. Ai bëri të ditur se më 12 shkurt ka pasur një takim me përfaqësues të dy prej organizatave të të pakënaqurve. “Ne nuk ndalemi me protestat, por jemi të gatshëm për kompromis dhe në thelb dëshirojmë që afatet për pagesën e subvencioneve të zhvendosen një muaj më parë. Këtë e deklaroi për BNR Ivan Gjurov, nënkryetar i Shoqatës Kombëtare "Prodhuesit e Bashkuar Bujqësor.