Qeveria në mbledhjen e sotme miratoi projektligjin për ndryshime në Ligjin për të Huajt në Bullgari. Qëllimi është lehtësimi i regjimit të qëndrimit në vendin tonë për qytetarët nga vendet e treta – specialistë të kualifikuar dhe punëtorë sezonalë. Harmonizohen kërkesat për qëndrim të përhershëm të të huajve në Bullgari, optimizohet procedura për dhënien e së drejtës së qëndrimit afatgjatë investitorëve dhe verifikimi i kushteve të investimit i caktohet Agjencisë Bullgare të Investimeve. Dënime parashikohen edhe për kundërvajtjet administrative të të huajve që nuk kanë respektuar legjislacionin aktual që rregullon të drejtën e qëndrimit dhe punës në vendin tonë. Është lehtësuar barra administrative për punëdhënësit - me ndryshimet e bëra, dëshmia e adresës së banimit të të huajit nuk do të kërkohet në grupin fillestar të dokumenteve të lejes së qëndrimit. Kjo do të ndodhë vetëm pasi ai të hyjë në territorin e vendit. Një ndryshim po vendoset në drejtim të eliminimit të mundësisë së dhënies së qëndrimit për të huajt që dëshirojnë të ushtrojnë veprimtari jofitimprurëse.

Që ndryshimet të hyjnë duhet të miratohen nga Kuvendi Popullor.