Ekspozita “Bullgarët në Ballkanin Perëndimor në shekujt XIX-XXI” hapet sot, 1 mars në orën 15:30 në galerinë “Qershia e vjetër” në fshatin Razhdavica të rrethit të Kjustendilit. Fokusi është në të kaluarën dhe të tashmen e bullgarëve, të cilët banojnë në katër shtete - Shqipëri, Kosovë, Maqedoninë e Veriut dhe Serbi, të vendosura në një pjesë të territorit që ka fituar popullaritet si "Ballkani Perëndimor", transmeton galeria.

Materialet e paraqitura janë nga fusha e historisë, gjuhës, etnodemografisë, kulturës dhe traditave të bullgarëve në rajon - dëshmi e rëndësishme për ruajtjen e identitetit dhe kujtesës kombëtare. Ngjarja është pjesë e projektit "Bullgarët në Ballkanin Perëndimor (100 vjet para dhe pas “Neuilly”)"  të Fondit "Kërkime Shkencore" - Ministria e Arsimit dhe Shkencës. Organizata bazë - Instituti për Studime Historike pranë Akademisë Bullgare të Shkencave.

“Janë të ftuar ballkanasit që e duan mënyrën e jetesës dhe kulturën ballkanike, e cila na bashkon dhe nuk na ndan”, thekson gjithashtu galeria.

Ju ofrojmë të lexoni disa nga artikujt tanë për bullgarët në Shqipëri, me të cilët u takua ekipi i Radio Bullgarisë në fund të vitit të kaluar:

• ​Bullgarët në Gorë ruajnë gjuhën dhe kulturën e tyre, porkanë nevojë përmbështetje - Pjesa II

• Bullgarët në Gorë ruajnë gjuhën dhe kulturën e tyre, por kanë nevojë për mbështetje - Pjesa I

• Që paqja dhe mirëkuptimi të lulëzojë në Ballkan, farat duhet të mbillen së pari mes fëmijëve

• Për Gollobordën dhe njerëzit e saj