Integrimi evropian është përgjigja më e mirë ndaj rreziqeve për stabilitetin në rajonin e Danubit. I tillë është qëndrimi kategorik i Bullgarisë, deklaroi kryetari i Kuvendit Popullor Rosen Zheljazkov gjatë Konferencës së nëntë të kryetarëve të parlamenteve në kuadër të Presidencës Austriake të Strategjisë së BE-së për rajonin e lumit Danub. Ai theksoi se Bullgaria në mënyrë aktive mbështet anëtarësimin në BE të vendeve të Ballkanit Perëndimor sipas parimit të meritave të veta. Zheljazkov preku edhe temën e Ukrainës, duke thënë se nevojiten mesazhe të forta nga BE-ja për unitetin në mbështetje të saj. "BE duhet të vazhdojë t'i ofrojë Ukrainës dhe popullit të saj të gjithë mbështetjen e nevojshme politike, financiare, ekonomike, humanitare, ushtarake dhe diplomatike," tha Zheljazkov.