Për kabinetin zyrtar, zgjedhjet e ndershme do të jenë prioritet dhe nuk ka alternativë, ai do të kundërshtojë në çdo mënyrë votën e blerë. Kështu bëri të ditur kryeministri Dimitër Gllavçev në mbledhjen e parë të qeverisë së re. Sipas tij, fushata zgjedhore do të jetë e tensionuar, por qeveria do të qëndrojë e qetë dhe do të udhëhiqet nga ligjet, arsyeja e shëndoshë dhe interesat e qytetarëve. “Kabineti zyrtar i përgatit zgjedhjet, por nuk merr pjesë në to”, theksoi Gllavçev.

Në mbledhjen e sotme ministrat votojnë plan-llogarinë për shpenzimet për përgatitjen dhe mbajtjen e zgjedhjeve për deputetë dhe për anëtarë të Parlamentit Evropian, që do të mbahen më 9 qershor. Sipas informacioneve paraprake, shuma e nevojshme arrin në 100 milionë leva / 50 milionë euro/.