Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

E dobishme:

Cila është procedura për marrjen e shtetësisë bullgare?

Foto: BGNES

Në një publikim të mëparshëm Radio Bullgaria ju tregoi për kushtet dhe arsyet për marrjen e nënshtetësisë bullgare. Në rreshtat e mëposhtëm, do t'ju tregojmë për hapat e vetë procedurës.

E para prej tyre është paraqitja e një kërkese për shtetësi bullgare, e cila duhet të shkruhet në bullgarisht dhe të dorëzohet personalisht në:

- Ministrinë e Drejtësisë, ose

- Në një përfaqësi diplomatike ose konsullore të Bullgarisë jashtë vendit.

Lista e dokumenteve të kërkuara është publikuar në faqen e internetit të Ministrisë së Drejtësisë dhe është në dispozicion në bullgarisht dhe anglisht.

Si paraqiten aplikimet për personat nën moshën 18 vjeç?

- Për personat deri në 14 vjeç, aplikimi bëhet nga të dy prindërit (nëse njërit nuk i është hequr e drejta prindërore) ose nga kujdestari.

- Për personat nga 14 deri në 18 vjeç aplikimi paraqitet personalisht me pëlqimin e prindërve ose kujdestarit, të cilët gjithashtu duhet ta nënshkruajnë atë.

Gjatë paraqitjes së aplikimit, nëse konstatohet se janë dorëzuar të gjitha dokumentet e nevojshme, bëhet edhe intervista me kandidatët, e cila:

- zhvillohet në bullgarisht;

- sipas një pyetësori të miratuar nga Ministri i Drejtësisë.

Cili është qëllimi i intervistës?

- Për të marrë një ide se sa rrjedhshëm kandidati është në gjuhën bullgare, nëse ai në thelb është i njohur me strukturën shtetërore të Bullgarisë, fusha të ndryshme të jetës publike të vendit, festat, figurat e njohura historike, cilat janë motivet e tij për të dëshiruar për të marrë nënshtetësinë bullgare.

Si kontrollohet lëvizja e skedarit?

- Nëpërmjet faqes së internetit të Ministrisë së Drejtësisë, rubrikës “Shtetësia Bullgare”, me numrin e regjistrimit dhe Numrin Personal të Identifikimit (të ashtuquajturin PIN), të marrë gjatë dorëzimit të dokumenteve.

Kush e nxjerr dekretin për shtetësinë dhe kur hyn në fuqi?

- Dekreti nxirret nga Presidenti dhe hyn në fuqi nga dita e nxjerrjes.

Përgatiti në shqip dhe publikoi: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Sërish në klasë dhe sërish për shkollat e së dielës jashtë vendit

Të ruajnë rrënjët bullgare mes brezit të ri bashkatdhetarësh jashtë vendit, por gjithashtu edhe të mbajnë gjuhën, kujtesën dhe kulturën bullgare mes pasardhësve të emigracionit bullgar – ky është misioni i madh i shkollave bullgare në botë. Shumica e..

botuar më 25-09-04 4.30.MD

Bollëk i ngjarjeve kulturore bullgare bashkon komunitetin tonë në rajonin e Nju Jorkut

Në shtator shkollat bullgare jashtë vendit hapin dyert. Ato megjithatë nuk janë ishull i vetmuar dhe drejt tyre shtrijnë duar miqësore institucione, që u japin atyre skenë për shfaqje. Njëra prej tyre është Konsullata e Përgjithshme e Bullgarisë në Nju..

botuar më 25-09-04 7.00.PD
Foto: Universiteti i Veliko Tërnovos

Veliko Tërnovo është mikpritës i një seminari për lektorët e gjuhës bullgare në mbarë botën

Universiteti i Veliko Tërnovos është organizator i Seminarit të Dytë Organizativ- Metodologjik me lektorë të gjuhës, letërsisë dhe kulturës bullgare në universitete jashtë vendit. E ftuar zyrtarisht në ceremoninë e hapjes së forumit ishte Ilijana Jotova,..

botuar më 25-09-03 5.24.MD