Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

"Nata Evropiane e Muzeve" me një program ndërdisiplinor në shkallë të gjerë në Sofje

Foto: institutfrancais.bg

Për herë të 20-të Sofja i bashkohet “Natës Evropiane të Muzeve”. Iniciativa organizohet nga Instituti Francez në Bullgari, Ministria e Kulturës dhe Bashkia e Sofjes të shtunën e tretë të majit. Në programin e natës, banorët dhe të ftuarit e kryeqytetit do të kenë akses falas në një sërë ekspozitash, koncertesh, punëtorish, filmash dhe xhiro me guidë në muzetë e qytetit.

Përfshihen më shumë se 50 muze dhe galeri në kryeqytet. Instituti Francez do të hapë dyert e mediatekës midis orës 16:00 dhe 20:00 për t'i rikthyer vizitorët në zemrën e shekullit të XVIII-të me pjesën më të fundit të lojës Just Dance 2024, e cila do t'i bëjë ata të kërcejnë virtualisht në Pallatin e Versajës. (Duhet bërë regjistrim paraprak). Me rastin e Lojërave Olimpike dhe Paraolimpike në Paris në orën 19:00 në sallën "Sllavejkov" do të mbahet një mbrëmje speciale me një kinema të animuar kushtuar sportit, me filmat me metrazh të shkurtër "Athleticus" dhe filmin "Trio Belleville" .

Salla Sllavejkov
“Qëllimi i Natës Evropiane të Muzeve, me hyrje falas, është që t'i jepet më shumë vëmendje kulturë dhe artit. Kjo është dhe është një festë familjare ku prindërit shkojnë me fëmijët e tyre, shëtisin, mësojnë gjëra të reja”, thonë organizatorët nga Bashkia e Sofjes.

Shoqata "Transporti dhe Infrastruktura e qytetit" ofron si surprizë të veçantë linjën Retro me autobusë të vjetër të rinovuar që do të qarkullojnë gjatë Natës së Muzeve nga Muzeu Historik Kombëtar, përmes Muzeut "Toka dhe njerëzit" deri në rrugën Opëllçenska çdo 20 minuta.

Përpiloi: Gergana Mançeva

Foto: institutfrancais.bg, Facebook / bgtransport.org
Përgatiti në shqip dhe publikoi: Kostandina Bello



Последвайте ни и в Google News Showcase, за да научите най-важното от деня!

Më shumë nga rubrika

Faqja “Berlini Bullgar” fiton gjithnjë e më shumë admirues

Hapësira virtuale, në të cilën mund të gjeni informacion për restorantet bullgare në territorin e Berlinit, shërbimet që ofrojnë bashkatdhetarët tanë – zejtarë, si edhe adresat dhe numrat e telefonit për kontakt me mjekët tanë që punojnë në territorin e..

botuar më 25-10-22 8.00.MD

Besimi në mediat publike - çelësi i ekzistencës së tyre

Si të ruhet dhe mirëmbahet besimi i publikut në media - kjo është tema qendrore për pjesëmarrësit në Konferencën Vjetore të Shoqatës Ndërkombëtare të Mediave Publike, e cila po zhvillohet në Sofje. Eventi, i organizuar nga Radioja Kombëtare..

botuar më 25-10-22 11.46.PD
Docent dr. Natalija Rashkova

Studimet e një shkencëtareje bullgare japin drejtime të reja në etnologji

Kur kontributi në fushën e shkencës kthehet në bazë për studime të mëtejshme të thelluara, kufijtë midis shteteve dhe kontinenteve sikur shkrihen – në kuptimin e drejtpërdrejtë dhe në atë figurativ. Pikërisht kjo ndodhi gjatë konferencës shkencore..

botuar më 25-10-21 8.00.MD