Më 21 maj Kisha Ortodokse përkulet para shenjtorëve Konstantin dhe Elena, të cilët festohen si të barabartë me apostujt, sepse, ashtu si apostujt, ata bënë përpjekje për të përhapur mësimet e Krishtit. Shën Kostantini ishte perandor i Bizantit në shekullin e IV. Ai e vendosi fenë e krishterë si zyrtare në Bizant. Nëna e tij Elena zbuloi kryqin mbi të cilin u kryqëzua Shpëtimtari dhe ndërtoi disa manastire në Tokën e Shenjtë. Zbulimi i Kryqit të Zotit konsiderohet ngjarja më e rëndësishme në historinë e Kishës së Krishterë, arsye për të cilën Perandori Konstantin dhe nëna e tij Elena u shpallën shenjtorë. Sipas jetëshkrimit të tyre, Shën Konstantini nuk e kishte marrë ende Pagëzimin e Shenjtë kur filloi të kujdesej për mirëqenien e kishës, gjë që e rrit më shumë shkëlqimin e meritave të tij, thekson Patrikana Bullgare.

Në Bullgari, Dita e Shën Konstantin dhe Elenës lidhet me ritin e vallëzimit mbi prush, të quajtur nestinarstvo. Ky rit ndërthur traditat e krishtera dhe pagane në një festë.

Lexoni më shumë:

• Dita e Shenjtorëve Konstantin dhe Elena është festë edhe e pushimores së parë detare në Bullgari

• Nderojmë festën e Shën Konstantinit dhe Elenës

• Festojmë Ditën e Shenjtorëve Konstantin dhe Elena

• Nderojmë kujtimin dhe veprën e shenjtorëve Konstantin dhe Elena

• Festa e valltarëve mbi prush