Në një konferencë sot, Hristo Ivanov njoftoi se jep dorëheqjen si kryetar i partisë “Po, Bullgaria”, dhe përkatësisht si bashkëkryetar i koalicionit “Bullgaria Demokratike”, në sfondin e rezultatit për parlamentin kombëtar, sipas të cilit koalicioni PP-DB aktualisht bie në vendin e tretë.

"Ne besojmë se ky rezultat për partitë e koalicionit tonë "Po e vazhdojmë ndryshimin - Bullgaria Demokratike" kërkon marrjen e përgjegjësisë, prandaj dhashë dorëheqjen dhe kolegët e mi e mbështetën këtë vendim" – tha Hristo Ivanov, duke saktësuar se nuk do të bëhet deputet në parlamentin e ri. “Është jashtëzakonisht e rëndësishme që të bëjmë gjithçka që është e mundur që biseda me votuesit të fillohet në një mënyrë të re...”, theksoi Ivanov.