Një nga poetët më të rëndësishëm bullgarë - Atanas Dallçev - lindi më 12 qershor 1904 në Selanik, në një familje të pasur që jetonte pranë Kullës së Bardhë. Babai i tij, Hristo Dallçev, ishte ndër qytetarët e shquar bullgarë në Selanik - jurist për nga arsimi, ai jepte mësime turqisht dhe bullgarisht në Liceun e famshëm të Djemve në Selanik. Ai u zgjodh deputet i rrethit të Seresit në parlamentin osman në kohën e Hyrrietit.
Atanas Dallçev (në mes), Aleksandër Muratov (majtas) dhe Radoj Ralin
Atanas Dallçev është krijuesi i të ashtuquajturës lirika e subjektit në poezinë bullgare dhe së bashku me Dimitër Pantaleev dhe Georgi Karaivanov themeluan një rrymë të tërë në poezinë bashkëkohore bullgare - kujton për BGNES kritiku letrar prof. Mihaill Nedellçev.
Para 9 shtatorit 1944, Dallçevi botoi katër libra - "Poezi", "Dritare", "Paris" dhe "Engjëlli i Shartër". Një kritik i famshëm madje e akuzoi se shkruan shumë pak - 1-2 vjersha në vit. I pyetur nëse kishte ndonjë poezi të dobët, Dallçev u përgjigj: "Jo, unë shkruaj vetëm poezitë e mia të mira".
Përveçse poet, Dallçevi ishte edhe një përkthyes shumë i mirë i prozës dhe lirikës nga të 5 gjuhët kryesore evropiane. Për aftësitë e tij në përkthim, ai u vlerësua në Evropën Perëndimore dhe Lindore, ku u nderua me një sërë çmimesh ndërkombëtare.
Megjithëse nuk u vu në presion pas 9 shtatorit 1944, krijuesi në një shkallë të madhe u hoq nga veprimtaria aktive letrare, pasi autoritetet e asaj kohe konsideronin se poezia e tij trajtonte tema fetare dhe problematika abstrakte. Për Dalçevin nuk flitej dhe ai nuk botonte libra për 20 vjet. Gjithsesi gjatë gjithë kësaj kohe librat e tij kërkoheshin.
Mezi në vitin 1965 ai botoi shënimet e tij të famshme jashtëzakonisht të fuqishme - të shkurtra, kritike, filozofike - madje fragmente peizazhi, të cilat ribotohen dhe lexohen deri më sot.
Redaktor: Ivo Ivanov
Përgatiti në shqip dhe publikoi: Svetllana Dimitrova
Foto: Bulgariahistory.org, BGNES
Dëshira e saj për t’u ndihmuar shpirtërave të vegjël të privuar nga fati, e çon deri në anën tjetër të globit. Dr. Elena Shtërbanova – specialiste në anesteziologji në spitalin kryesor “Shën Ekaterina” në kryeqytet, pranon se gjithmonë ka dashur..
Ivan Stojanov është bullgar besarabian nga Moldavia. Ekipi ynë u takua me të në kishën bullgare "Shën Sofronij Vraçanski", ku përgatitëm episodin e radhës të podkastit “ Ura e besimit ”, i kushtuar komunitetit bullgar ortodoks në Lion,..
" Ndoshta besimi, lutja ose feja, të cilat i kuptojmë në mënyra të ndryshme, sjellin një ndjenjë përulësie. Por ajo është gjithashtu një udhëtim drejt vetes, drejt vetëpërmirësimit dhe vetëzbulimit” – thotë Doc. Arsenija..
Pjesërisht me re
Mot i kthjellët
Vranësira të dendura