Sot është sërish Dita e Arifes, e cila i paraprin çdo Bajrami, pavarësisht nëse është Ramazan apo Kurban Bajram.
Myslimanët sot respektojnë të dashurit e tyre të vdekur dhe në çdo shtëpi, gratë gatuajnë brumë, prej të cilit bëhet ëmbëlsira të buta dhe u shpërndahen të afërmve dhe fqinjëve, pa dallim feje dhe besimi.
Kuptimi i kësaj dite përcaktohet edhe nga fakti se është duke u përgatitur kurbani, i cili të nesërmen, kur është Kurban Bajrami, do t'i ofrohet si shprehje mirënjohjeje ndaj të Plotfuqishmit. Është shumë e rëndësishme që kafsha – dele, dash, dhi, lopë, viç apo deve – që do të flijohet të jetë e shëndetshme.
Besohet se në Ditën e Gjykimit, kjo kafshë do të takojë njeriun në urën që kalon mbi Ferrën dhe të çon në Parajsë. Nëse kurbani pranohet nga Më i Larti dhe personi ka jetuar në mënyrë të drejtë, ai me siguri do të hipë mbi kafshën dhe ajo do ta çojë atë në Parajsë.
Që kafsha të jetë e bukur, i zoti i shtëpisë kreh ballin, kurrizin dhe bishtin një ditë para festës.
Në disa fshatra të Bullgarisë, një ditë para Kurban Bajramit, dhëndri dërgon një dash në shtëpinë e të fejuarës së tij, të zbukuruar me shirita dhe monedha ari.
Një nga kushtet e rëndësishme të Bajram Kurbanit është shpërndarja e tij, pra ndarja. Mishi i kafshës ndahet në tri pjesë - njëra mbahet për familjen, e dyta - për të afërmit dhe miqtë dhe e treta u dhurohet të varfërve, pavarësisht nga feja dhe besimi i tyre, në mënyrë që festa të jetë e përbashkët.
Në disa fshatra në rajonet e qyteteve Kërxhali, Burgas dhe Silistra, në Ditën Arife, të moshuarit u jepen karamele fëmijëve. Të rriturit rreshtohen në mejdanin e fshatit dhe u dhurojnë fëmijëve, që kalojnë një nga një, grusht karamele.
Përgatiti në shqip dhe publikoi: Svetllana Dimitrova
Foto: grandmufti. bg, BNR - arkiv
Në Ditën e Ivanit /Ivanovden/ nderojmë kujtimin e Shën Joan Pagëzorit - profeti i fundit i Dhiatës së Vjetër dhe pagëzuesi i Jezusit. Qindra mijëra janë bashkatdhetarët tanë që sot festojnë ditën e emrit. “Ivan është titull, jo emër”, thotë populli..
Madlen Bozhillova Amin është fituesja e çmimit të vitit 2021 të UNESCO-s "Thesari i Gjallë Njerëzor" për një projekt që lidhet me bërjen e kostumit të lashtë të Kjustendillit të quajtur Saya. Kohë më parë, bullgarja u kthye nga jashtë në vendlindjen e..
Një byrek fati është gjithmonë i pranishëm në tryezën bullgare në fillim të Vitit të Ri. Pjata tradicionale për vendin tonë përbëhet nga shtresa brumi me mbushje djathë, vezë dhe gjalpë. Mund të jetë edhe me lloje të ndryshme mishi, presh, spinaq apo..
Nuk ka statistika që përmbledhin numrin e saktë të grupeve bullgare të vallëzimit jashtë vendit. Por një gjë është e sigurt - këto grupe të krijuara..