Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Cila është shija e Bullgarisë - kuzhina si pjesë e kartës sonë turistike

Foto: BTA

Byreku (banica) dhe Sallata jonë“Shopska” kanë qenë më shumë se një herë në pozitat kryesore të renditjeve gastronomike botërore. Por kuzhina kombëtare bullgare nuk përbëhet vetëm nga këto dy gjellë, qebapët, patatet e skuqura me djathë dhe e ashtuquajtura “Shkembe Çorba”. Është e dukshme se gjithnjë e më shumë gatime dhe verëra vendase po përfshihen në menynë e restoranteve tona, por ka ende shumë për të dëshiruar në këtë drejtim. Përveç kësaj, shpeshherë profesionistët diskutojnë se cilat pjata mund t'i quajmë bullgare. Arsyeja është se një pjesë e madhe e këtyre ushqimeve janë karakteristike edhe për fqinjët tanë ballkanikë. Përveç kësaj, në disa vende ka një tendencë drejt një “leximi” më modern të kuzhinës sonë kombëtare në përgjigje të ndryshimeve në shijet e klientëve dhe përhapjes së të ashtuquajturës kulturë “gourmet”.


E megjithatë, baza e gjithçkaje janë produktet tradicionale bullgare dhe recetat e gjysheve dhe stërgjysheve tona. Si ruhet kjo pasuri e madhe dhe a mund të vendoset vendi ynë si një destinacion gastronomik global?

Potenciali ynë në këtë drejtim është i madh dhe i padiskutueshëm. Harta interaktive e kuzhinës e territorit të gjuhës bullgare, e përgatitur nga një ekip i Akademisë Bullgare të Shkencave, jep një ide të përgjithshme të diversitetit të trashëgimisë sonë gastronomike.

Megjithatë, cilat gatime lokale mund të bëhen pjesë e kartëvizitës turistike të Bullgarisë?


Para së gjithash, ky është byreku, është kategorike Margarita Koteva - kryeasistente në Institutin e Gjuhës Bullgare dhe pjesë e ekipit që e përgatiti hartën. "Ai përgatitet pothuajse në çdo rajon me të gjitha llojet e mbushjeve. Duke filluar nga byreku me presh, i cili përgatitet nga minoriteti bullgar në Korçë /Shqipëri/ e deri te rajoni i Mallko Tërnovos, e gjithashtu në Dobruxhën Veriore - kudo gjejmë varietete të jashtëzakonshme të byrekut” – thotë Margarita Koteva dhe po vazhdon:

"Nga produktet e qumështit mund të veçojmë kosin tonë të famshëm , gjalpin tonë të bërë në shtëpi, djathin tonë të freskët. Për shembull, mocarela mund të zëvendësohet me djathë të freskët bullgar. Mund të theksojmë edhe gatimet e përgatitura me bullgur, i cili është jashtëzakonisht i shëndetshëm. Ne kemi mish qengji me bullgur, kemi kumbulla me bullgur dhe gatime të ndryshme të ëmbla. Për shembull, një hallvë, e cila përgatitet me të ashtuquajturin pekmez - një pjatë jashtëzakonisht e ëmbël. Ose antipasta me speca të thatë, që bëhet në Bullgarinë Veriperëndimore.

Në kartëvizite mund të përfshihet edhe supa e peshkut, si dhe sallamurika /zakonisht gatuhet me hudhër të grirë, piper djegës, të ashtuquajturën erëz devesil (Levisticum officinale), kripë, domate të grira dhe uthull, që t’i jepet shije supës së peshkut/ që përgatitet në Tutrakan. Nuk duhet harrohen edhe llojet e ndryshme të së ashtuquajturës “pllakia” (gjellë zakonisht me peshk të pjekur me vaj, qepë, domate, karota etj.) - me krap, qefull, të cilat gatuhen në bregdetin tonë pranë Detit të Zi ..."


Nën ndikimin e shfaqjeve të njohura televizive të gatimit, njerëzit janë në kërkim të emocioneve të reja në kulinari. Interesi për kuzhinën fusion po rritet gjithashtu. Shumë nga kuzhinierët tanë profesionistë kanë filluar të modernizojnë recetat tradicionale bullgare sipas tendencave të reja në këtë sektor.

"Varet nga vetë kuzhinierët, të cilët i përfshijnë këto ushqime në menytë e hoteleve dhe restoranteve. Çështja është se duhet vlerësuar se në çfarë mase duhet ta bëjnë këtë, sepse kuzhina bullgare është e ndikuar nga ajo evropiane. Edhe këtu kemi receta që kanë ndryshuar me kalimin e viteve dhe ato nuk janë më aq autentike. Duhet të vazhdojmë të këmbëngulim që gjellët kombëtare bullgare të konsumohet në restorantet tona, madje duhet të ketë një seksion të veçantë në meny për gatime specifike tradicionale bullgare” – tha në përfundim Margarita Koteva.

Lexoni më shumë:

Foto: BTA, BGNES, YouTube

Përgatiti në shqip dhe publikoi: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Uji mineral dhe turizmi – burimi i jetesës në qytetin Devin sot

Devin - "qyteti i ujërave minerale", ndodhet në një nga rajonet më piktoreske të Bullgarisë - i fshehur në pjesën jugperëndimore të vargmalit më të gjerë bullgar, Rodopet, përgjatë lumit Vëça. Në afërsi të tij ndodhen dhjetëra monumente natyrore dhe..

botuar më 25-09-30 7.15.PD

Përtej reve – shkëmbinj dhe balona sërish në një kërcim magjik mbi Bellogradçikun

Bellogradçiku dhe shkëmbinjtë e tij të famshëm botërisht janë sërish skena e një spektakli magjik. Për pesë fundjava radhazi – nga 19 shtatori deri më 19 tetor – qyteti është mikpritës i edicionit të pestë të Festivalit të Balonave. Pritet që mbi 5 mijë..

botuar më 25-09-27 9.10.PD

Luks antik dhe përjetime moderne – Vila “Armira” e rinovuar bëhet një hit turistik

Në Rodopet Lindore, në vendin ku patrikët romakë pinin verë nën kolona mermeri, sot turistët veshin toga autentike dhe mahniten nga mozaikët origjinalë të shekujve II-III. Vila “Armira” – e vetmja rezidencë aristokratike romake e ruajtur në Ballkan me..

botuar më 25-09-20 9.15.PD