Specialistë të gjuhës bullgare nga 32 vende nga tre kontinente marrin pjesë në seminarin trejavor për gjuhën dhe kulturën bullgare, i cili filloi sot në Universitetin e qytetit Veliko Tërnovo. Sipas korrespondentit të BNR-së në kryeqytetin e vjetër, në edicionin e 47-të të seminarit, qëllimi i të cilit është promovimi i studimeve bullgare jashtë vendit marrin pjesë 88 veta. Mes tyre ka studentë dhe doktorantë, si dhe profesorë universiteti, mësues dhe përkthyes. Ata i bashkon dashuria për gjuhën dhe kulturën, historinë, muzikën dhe popullin tonë. Të gjithëve u ka lënë përshtypje edhe kuzhina jonë, por kanë mendimin e tyre edhe për politikën dhe zhvillimin e ekonomisë së vendit tonë.

Përveç disiplinave gjuhësore, seminari përfshin edhe mësime për historinë dhe kulturën bullgare, leksione për folklorin, kinemanë moderne bullgare dhe mitologjinë bullgare.

• Seminari i gjuhës dhe i kulturës bullgare mblodhi në qytetin Tërnovo pjesëmarrës nga katër kontinentet