Në Këshillin e Ministrave u nënshkrua kontrata mes Agjencisë Amerikane të Tregtisë dhe Zhvillimit dhe Operatorit të Sistemit Elektroenergjetik për studimin e fizibilitetit për ndërtimin e korridorit energjetik Lindje-Perëndim. Financimi në përmasë 1.2 milionë dollarë është falas. Ministri në detyrë i energjetikës Vlladimir Malinov, theksoi se kjo është një tjetër fazë e suksesshme e bashkëpunimit të frytshëm dhe zhvillimit të marrëdhënieve midis Bullgarisë dhe SHBA-së, me të cilën arrihet një rritje e sigurisë energjetike, jo vetëm në Bullgari, por edhe në të gjithë rajonin.Nga ana e tij, kryeministri në detyrë Dimitër Gllavçev vuri në dukje se "për Bullgarinë, ky bashkëpunim është kyç në sferën energjetike dhe "do të ndihmojë në zbatimin e transformimit të gjelbër".