Mes qytetit Elin Pelin dhe fshatit Elin Pelin, një zjarr shpërtheu në një depo për fishekzjarrë, njofton BTA. Si pasojë e shpërthimit dy persona burrë e grua kanë djegie të shkallës së tretë dhe jeta e tyre është në rrezik. Në qytet dhe fshatrat përreth oshpall gjendje e pjesshme e jashtëzakonshme. U urdhërua evakuimi i menjëhershëm i banorëve të fshatit Elin Pelin, i cili ndodhet më afër vendit të aksidentit. U ndërprenë furnizimi me gaz dhe energjia elektrike. Në zonë ka një prani të shtuar të policisë, ambulanca dhe zjarrfikëse, si dhe një stacion lëvizës për të matur pastërtinë e ajrit.
Sipas ekspertëve, shpërthimi ndodhi në magazinat e një kompanie që merret me produkte piroteknike. Ministri i brendshëm Kalin Stojanov shpjegoi se kompania ka gjashtë depo të cilat janë plot me lëndë piroteknike. Rreth 500 metra larg shpërthimeve, një fragment ra në një magazinë të një zinxhiri të madh ushqimor, i cili gjithashtu mori flakë, shtoi Stojanov. Sipas të dhënave paraprake, një nga magazinat ku shpërtheu zjarri përmbante dy ton ekuivalent tritol.
Në vendin e ngjarjes u dërgua personel ushtarak me katër transportues uji nga Stacioni Mobile i Komunikimit – Gorna Malina, si dhe personeli ushtarak me dy ujë-mbartës nga formacioni në Negushevo, nga Komanda për Mbështetjen Logjistike.
Një modul i specializuar për veprim në rast aksidentesh industriale u përgatit edhe nga Formacioni Ushtarak në Musaçevo, pjesë e Forcave Tokësore.Formacioni ka pesë auto-stacione që do të përdoren, njoftoi Ministria e Mbrojtjes.
Kufizohet përkohësisht qarkullimi në të dy drejtimet në rrugën III-105 nga Elin Pelin deri në stacionin Elin Pelin. Linja hekurudhore në zonë është gjithashtu e mbyllur për kalimin e trenave, nuk ka ndryshim në fluturimet në aeroportin e Sofjes, njoftoi BTA.
Njëzet piktorë do të marrin pjesë në Festivalin Lucky Hunt Sofia Graffiti më 14 dhe 15 shtator. Ata do të pikturojnë më shumë se 1000 metra katror hapësirë në Sofje dhe programi u kushtohet kafshëve shtëpiake dhe makinave klasike, njoftojnë..
Të shtunën do të fryjë erë veriperëndimore në të gjithë vendin. Vranësirat do të jenë të ndryshueshme deri të konsiderueshme, në zonat malore dhe në lindje të shoqëruara me reshje shiu dhe bubullima. Temperaturat minimale do të lëvizin ndërmjet 12..
Ministri i Kulturës Najden Todorov u takua në Sofje me kolegun e tij nga Republika e Maqedonisë së Veriut – Zoran Ljutkov, njofton Ministria e Kulturës. Të dy bashkëbiseduesit vlerësuan lart bashkëpunimin mes dy vendeve në fushën e kulturës dhe artit...
Sot ministri i punëve të jashtme Ivan Kondov dhe ambasadori i jashtëzakonshëm dhe fuqiplotë i SHBA-së në Bullgari Kenneth Merten diskutuan në një..
Ekaterina Zaharieva, e nominuar nga GERB-SDS për Komisionere Evropiane nga Bullgaria, merr portofolin e startup-eve, kërkimeve shkencore dhe inovacionet...
Me një festival gjashtëditor të zanateve në Veliko Tërnovo , nisin festimet me rastin e 116 vjetorit të shpalljes së Pavarësisë së Bullgarisë..