Ditët e fundit, nga 19 deri më 25 Korrik, ishin më të bukurat për pjesëmarrësit në Shkollën Verore të Gjuhës dhe Kulturës Bullgare. Ato ishin të mbushura plot me emocione që do të ngelen në memorien e tyre për një kohë të gjatë.
Gjatë këtyre ditëve të nxehta korriku ata vizituan disa pika turistike në qarkun e Korçës. Destinacioni i parë ishte Pogradeci, një qytet mjaft i bukur turistik, me liqenin e pastër dhe Drilonin përallor pranë manastirit të Shën Naumit, që mban emrin e njërit prej nxënësve të famshëm të Shenjtorëve Kirill dhe Metodij i cili është varosur në kishën e manastirit.
Vizita tjetër ishte në fshatin turistik të Voskpojës i cili në sh. XVIII ishte një qytet i rëndësishëm kulturor, tregtar dhe politik jo vetëm në Ballkan por dhe më gjerë, me shtëpinë e parë botuese në Ballkan, institute arsimore dhe shumë kisha. Ai ka rëndësi për vendet e Ballkanit, sepse këtu u botua fjalori i katër gjuhëve ballkanike: Greqishte, Shqip, Bullgaisht dhe Arumanisht.
Korça ishte destinacioni tjetër për pjesëmarrësit e Shkollës, qytet shumë i bukur i cili ka një histori mjaft të pasur, Muzeu Kombëtar i Artit Mesjetar, Shkolla e Parë Shqipe, etj. Qyteti bashkë me rrethinat e tij u bë pjesë e Perandorisë bullgare në vitin 853 dhe u përfshi në njësinë administrative të emërtuar Kutmiçevica. Edhe sot në krahinën e Korçës ka fshatra ku jeton pakicë bullgare, që është ura lidhëse midis dy vendeve dhe popujve, që kanë qëndruar në fqinjësi të mirë shekuj me rradhë.
Për dialektin arkaik që flasin edhe sot banorët e këtyre fshatrave, për veshjet dhe traditat e tyre foli prof. Kirill Kirillov nga Akademia e Shkencave të Bullgarisë. Prof. Kirillovi mbajti një leksion dhe për fjalët me origjinë shqiptare në gjuhën bullgare.
Më datën 24 Korrik u organizua dhe ceremonia e mbylljes dhe ndarjes së certifikatave për studentët dhe pjesëmarrësit në Shkollën Verore. Në këtë ceremoni të thjeshtë, por mjaft të bukur morrën pjesë dhe disa përfaqësues të Universitetit të Veliko Tërnovos „Shenjtorët Kirill dhe Metodij“, Prof. Dr. Nikollaj Kënev, zv. Rektor, Prof. Dr. Vlladimir Vlladov, Prof. As. Dr. Daniella Tasevska dhe Dr. Miranda Bello. Prof. As. Dr. Raqi Bello dhe Prof. Dr. Nikollaj Kënev përshëndetën pjesëmarrësit dhe vunë theksin mbi rëndësinë që ka kjo shkollë për gjuhën dhe kulturën bullgare dhe falenderuan dekanen e Fakultetit të Gjuhëve të Huaja të Universitetit të Tiranës, Prof. Dr. Esmeralda Kromidha, për mbështetjen e saj dhe të fakultetit që drejton mësimet e bullgarishtes. Fjalë falenderuese shkuan edhe për Departamentin e Gjuhëve Sllave dhe Ballkanike, pjesë e të cilit është edhe kjo gjuhë.
Pjesa më e bukur e kësaj ceremonie ishte ndarja e certifikatave të gjuhës bullgare, të lëshuara nga Universiteti i Veliko Tërnovos, si dhe e dhuratave të vogla të përgatitura për ta. Pjesëmarrësit ndanë me njeri-tjetrin mbresat e bukura nga shkolla verore dhe shprehën dëshirën për t’u takuar sërish vitin tjetër.
Ndërkohë katër studentë të Fakultetit të Gjuhëve të Huaja, pjesëmarrës të Shkollës Verore, në kuadër të bashkëpunimit me universitetet bullgare po vazhdojnë kursin e bullgarishtes në universitetet e Sofjes dhe Veliko Tërnovos. Kjo është një praktikë mjaft e mirë për studentët e FGJH-së.
Përjetime të paharrueshme me birrën e freskët, kokteje të birrës alkoolike dhe joalkoolike të zhvilluara posaçërisht, hite të preferuara bullgare dhe të huaja të hip-hop dhe rok, folklor bullgar dhe meze të shijshme premtojnë nga Komuna e qytetit..
Lojëra, shfaqje filmash, vëzhgim zogjsh dhe koncerte në ajër të hapur janë vetëm disa nga ngjarjet në kuadër të Edicionit të Shtatë të Festivalit të Shkabës, i cili do të mbahet nga 6 deri më 8 shtator në qytetin e Maxharovos. Festa do të shënojë..
Shenjtëria e tij, Patriarku bullgar dhe Mitropoliti i Sofjes Daniil, kryesoi Liturgjinë e Shenjtë festive, së bashku me peshkopin Pahomi të Branicës, Peshkopin Gerasim të Mellnikut dhe priftërinjtë e Kishës Ortodokse Bullgare. Shërbesa solemne..
Më shumë se 55 mijë fëmijë bullgarë do të kalojnë për herë të parë pragun e shkollës, me frikë dhe emocione. Më 16 shtator nxënësit e klasës së parë do..
Patriku bullgar dhe Mitropolit i Sofjes Daniill u dërgoi një mesazh për vitin e ri shkollor mësuesve, nxënësve dhe prindërve. Ai do të tingëllojë sot..
Hekurudha nëntokësore e qytetit të Sofjes doli të ishte ndër më të pëlqyerat në Evropë. Metroja e Sofjes renditet e dyta, e tejkaluar vetëm nga ajo në..