Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Bullgarët - në Lojërat Olimpike

Boksieri Boris Georgiev-Mokata, 1952.
Foto: Presfoto-BTA (arkiv)

Në vazhdim të 19 ditëve, më shumë se 10 000 atletë nga 206 vende do të garojnë në 32 disiplina të ndryshme. Bullgaria do të përfaqësohet me 46 sportistë. Kjo është një nga ekipet më të vogla të vendit tonë në Lojëra Verore deri më sot. Me përjashtim të Lojërave të Tokios 2021, të cilat ishin të shënuara nga pandemia Covid-19, Bullgaria për herë të fundit kishte më pak atletë në Lojërat Olimpike të Melburnit në vitin 1952, kur dërguam 43 sportistë.

Nga fillimi i Lojërave Olimpike, Bullgaria ka fituar gjithsej 224 medalje. Më së shumti janë medaljet e argjendta - 88, medaljet e bronzta - 82, dhe medaljet e arta - 54, gjë që na rendit në vendin e 21-të për sa i përket medaljeve të fituara olimpike.

Më e suksesshmja për Bullgarinë ishte Olimpiada e bojkotuar nga Perëndimi në Moskë në vitin 1980, kur fituam gjithsej 41 medalje. Në edicionet e lojërave deri në vitin 1952, Bullgaria nuk fitoi asnjë medalje. Vendi ynë nuk mori pjesë në Lojërat Olimpike midis viteve 1900-1920, si dhe në edicionet e viteve 1932 dhe 1948. Medalja e parë për vendin ishte e bronztë dhe u fitua në vitin 1952 nga boksieri Boris Georgiev-Mokata.

Është e rëndësishme të kujtojmë se Bullgaria ishte një nga 14 vendet pjesëmarrëse në Olimpiadën e parë Verore 128 vjet më parë.

Në Lojërat Olimpike në Paris, Bullgaria merr pjesë me nga tre sportistë në badminton dhe peshëngritje, pesë në boks, gjashtë në mundje, nga dy në kanotazh, xhudo, gjimnastikë dhe qitje sportive, nga një në kanoe, taekwondo, tenis dhe skermë, pesë në atletikë, katër bullgarë në not dhe shtatë në gjimnastikë ritmike. Të gjithëve - fat të mirë!!!

Përpilues: Krasimir Martinov

Përgatiti në shqip dhe publikoi: Svetllana Dimitrova




Последвайте ни и в Google News Showcase, за да научите най-важното от деня!

Më shumë nga rubrika

Ruzhdi Ruzhdi

Ruzhdi Ruzhdi me titullin e gjashtë botëror në klasën F55 të hedhjes së gjyles

Bullgari Ruzhdi Ruzhdi fitoi titullin e tij të gjashtë botëror në klasën F55 të hedhjes së gjyles në Kampionatin Botëror për persona me aftësi të kufizuara në Delhi të Indisë. Kampioni dy herë olimpik nga Rio de Janeiro 2016 dhe Parisi 2024..

botuar më 25-09-29 4.34.MD

Bullgaria u rikthye në hartën botërore të volejbollit – pas 55 vitesh është përsëri e argjendtë!

Në Kampionatin Botëror të Volejbollit në Filipine, bullgarët shkruan histori, duke fituar një medalje argjendi nga Kampionati Botëror për herë të dytë në historinë e volejbollit bullgar pas një ndërprerjeje prej 55 vitesh ! Në betejën..

botuar më 25-09-28 4.30.MD

Bullgaria është pretendente për medaljen e artë në Kampionatin Botëror të Volejbollit

Skuadra kombëtare bullgare e volejbollit po shkruan histori në Filipine pasi pas 55 vitesh është përsëri në finalen e Kampionatit Botëror. Bullgarët janë ekipi më i ri në Kampionat, por kjo nuk i pengoi të arrijnë një sukses të madh, duke arritur..

botuar më 25-09-27 2.12.MD