Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Primorsko e mbyll sezonin me një rritje prej 30% të turistëve

Foto: primorsko.bg

Qyteti turistik Primorsko në bregdetin tonë jugor po pret Forumin e Detit të Zi 2024, ku kompanitë dhe bashkitë më të suksesshme në rajonin e Detit të Zi do të nderohen në një ceremoni zyrtare më 6 shtator 2024 në qendër të qytetit. Për të nëntin vit radhazi, “Çmimet e Detit të Zi” do të prezantojnë shembujt më të suksesshëm të zhvillimit të rajonit tonë detar, bëjnë të ditur në një njoftim për shtyp organizatorët e forumit Global Media dhe VIP COMMUNICATION, të cilët janë pjesë e platformës së bashkëpunimit ndërkombëtar - Global Leaders. Pritësi i forumit në Primorsko raporton një rritje rekord prej 30% të turistëve në sezonin aktual.

Krahas natyrës së bukur dhe trashëgimisë së pasur kulturore dhe historike, këtë vit turistët në Bashkinë e Primorskos patën mundësinë të shijojnë një program të pasur kulturor dhe të larmishëm të "Prim fest", i cili ndikoi si në imazhin e resortit, ashtu edhe tek banorët dhe tregtarët vendas. Rrugët kryesore, shtigjet drejt plazheve, shëtitoret, parqet janë të rinovuara. Pamja e objekteve të përkohshme tregtare po ndryshon gjithashtu. Është planifikuar ndërtimi i objekteve infrastrukturore, të cilat pritet të përmirësojnë mjedisin në qytetin e Detit të Zi. Përveç kësaj, tre bashkitë e Detit të Zi - Primorsko, Sozopoll dhe Carevo po shqyrtojnë ndërtimin e një rruge me katër korsi, zgjerimin e kalimit kufitar Mallko Tërnovo, si dhe zhvillimin e turizmit ekologjik dhe kulturor në rajon, fluturime gjatë gjithë vitit drejt destinacioneve kryesore nga dhe në Aeroportin e Burgasit. Po shqyrtohet gjithashtu edhe zhvillimi i transportit detar për një lidhje dhe promovim më të mirë të destinacioneve të Detit të Zi.

Bashkia e Primorskos merr pjesë çdo vit në ekspozitat turistike të njohura, si në Bullgari ashtu edhe jashtë saj. Tregjet tradicionale turistike, përveç atij bullgar, janë ato çeke, polake dhe sllovake. Qyteti reklamohet gjithashtu në tregjet spanjolle, skandinave dhe të tjera.



Последвайте ни и в Google News Showcase, за да научите най-важното от деня!

Më shumë nga rubrika

Plazhi qendror i Sozopolit

Bullgaria është në vendet e para për plazhet më të pastra në Evropë, dhe tendenca është në rritje

Numër rekord plazhesh në bregdetin bullgar të Detit të Zi janë vlerësuar me çmimin prestigjioz ndërkombëtar “Flamuri Blu”, që dëshmon për ujërat detare të pastra dhe brezat bregdetarë. Ai jepet pas vlerësimit nga Agjencia Evropiane për Mjedisin, e cila..

botuar më 25-07-30 7.00.PD

Në një gllënjkë largësi – rrugët e verës në verilindje

Nëse mendoni se verilindja e Bullgarisë është vetëm hambar pjellor dhe fusha të sheshta, është koha të hidhni sytë drejt mbjelljeve të rrushit, të cilat shtrihen në mijëra dekarë në rajon. Këtu vera është pjesë e përditshmërisë dhe kulturës së njerëzve...

botuar më 25-07-29 7.00.PD

"Bullgaria Lend" – një shëtitje përmes shekujve në zemër të Pravecit

Në brigjet e liqenit të qytetit Pravec u hap një park i ri kulturoro-historik, i cili shtrihet në 14 dekara. Atraksioni “Bullgaria Lend” ofron një mundësi unike për t’u njohur me trashëgiminë bullgare, të paraqitur në përmasa të zvogëluara. Ka modele të..

botuar më 25-07-27 9.00.PD