Me rastin e ditës së parë të shkollës, ushtruesi i detyrës së ministrit të arsimit dhe shkencës, Prof. Galin Cokov, iu drejtua drejtorëve, arsimtarëve dhe specialistëve pedagogjikë në institucionet arsimore, nxënësve të klasës së parë dhe nxënësve dhe prindërve. Duke e quajtur ditën festë të iluminizmit, ministri Cokov theksoi se në shkollën bullgare fëmijët jo vetëm grumbullojnë njohuri, por zhvillohen edhe si personalitete. Prandaj, sipas fjalëve të tij, "detyra më e rëndësishme përpara sistemit arsimor është në fakt t'i mësojë ata të jenë njerëz të mirë, mision që brezat e arsimtarëve bullgarë e përmbushin me përkushtim dhe vetëmohim".

Fëmijëve ministri Cokov u uroi të ëndërrojnë dhe të krijojnë miqësi dhe të mos harrojnë se në shkollë mund të gjejnë mirëkuptim dhe mbështetje. Ministri i arsimit përgëzoi edhe shkollat ​​bullgare jashtë vendit “të cilat përmes dijes bëjnë që mijëra fëmijë të ëndërrojnë dhe të ruajnë kujtimin për atdheun”. “Sot festojmë së bashku, sepse Bullgaria është kudo, ku të paktën një zemër bullgare rreh!”, theksoi Galin Cokov.

• Në Bullgari fillon viti i ri shkollor

• Patriku bullgar Daniill bekoi fëmijët për vitin e ri shkollor