Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Reagime të ashpra në Bullgari pasi zëvendëskryeministri i Maqedonisë së Veriut i quajti bullgarët "të paqytetëruar"

Aleksandër Nikolloski
Foto: rtsh.al

BSP insiston që Ministria e Punëve të Jashtme të thërrasë ambasadorin e Republikës së Maqedonisë së Veriut në vendin tonë për shpjegime lidhur me komentet e zëvendëskryeministrit Aleksandër Nikolloski. Në një intervistë televizive, ai i quajti bullgarët "të paqytetëruar" dhe mohoi kategorikisht se të dy vendet kanë një histori të përbashkët. Sipas BSP, reagimi i palës bullgare duhet të jetë "jashtëzakonisht i ashpër". Fjalët e Nikollovskit janë për mungesën e flamurit të RSM-së në takimin joformal të presidentëve Rumen Radev dhe Gordana Siljanovska-Davkova të premten më 13 shtator.

“Ambasadori i Republikës së Maqedonisë së Veriut duhet të tërhiqet menjëherë, derisa Bullgaria dhe bullgarët nuk marrin falje të duhur për fyerjet ndaj shtetit dhe popullit bullgar!”, shkroi në një mesazh për mediat kryetari i Grupit Parlamentar të DPS-së, Deljan Peevski.

“Mendoj se fjalët janë ofenduese dhe të pamatura, dhe politikanët maqedonas duhet ta kuptojnë një gjë – nëse duan të jenë anëtarë të Bashkimit Evropian, duhet të respektojnë marrëveshjet e shkruara”, ishte kategorik Asen Vasilev nga PP-DB.

Republika e Maqedonisë së Veriut nuk ka vend në BE, komentoi kryetari i Grupit Parlamentar të ITN-së Toshko Jordanov në margjinat e Kuvendit Popullor.

Ministria e Punëve të Jashtme doli me një qëndrim për rastin. “Në lidhje me kualifikimet e njëpasnjëshme fyese ndaj Bullgarisë dhe popullit bullgar nga zyrtarë të Republikës së Maqedonisë së Veriut, ne refuzojmë kategorikisht të përfshihemi në një ton të tillë joevropian dhe të papajtueshëm me edukimin e mirë. Partnerët tanë janë të njoftuar për provokimet e paprovokuara, duke përfshirë edhe prishjen e dialogut. Edhe një herë rikujtojmë rëndësinë kyçe të zhvillimit të marrëdhënieve të fqinjësisë së mirë për të ardhmen evropiane të Republikës së Maqedonisë së Veriut”, thuhet në deklaratën e departamentit tonë diplomatik.

Më shumë hollësi për vizitën e delegacionit maqedonas në Sofje mund të lexoni në postimet e mëposhtme:





Последвайте ни и в Google News Showcase, за да научите най-важното от деня!

Më shumë nga rubrika

Presidenti sllovak Peter Pellegrini me Presidenten e RSM Gordana Siljanovska

Ambasadori i Sllovakisë thirret në Ministrinë e Jashtme për deklaratat e Presidentit sllovak në Shkup

Ambasadori sllovak Vasil Grivna u thirr në Ministrinë e Punëve të Jashtme për deklaratat zyrtare të bëra nga Presidenti sllovak Peter Pellegrini gjatë vizitës së tij në Shkup më 14 tetor. Deklaratat kishin të bënin me vlerësime të papranueshme të bëra..

botuar më 25-10-16 12.25.MD

Forcat Ajrore Bullgare festojnë sot

Me rastin e festës së aviacionit dhe Forcave Ajrore Bullgare, sot, më 16 tetor, në orën 09:00, do të vendosen lule dhe kurora në Monumentin e Aviatorit, në Rrugicën e Aviatorit pranë Asamblesë Kombëtare në kryeqytet, njofton Ministria e Mbrojtjes...

botuar më 25-10-16 4.50.PD

Parashikimi i motit për 16 tetorin

Të enjten , temperaturat minimale do të jenë nga 4 deri në 9°, në Sofje - 4°. Gjatë ditës, do të ketë vranësira të shpërndara mbi vendin, në shumicën e rajoneve - të konsiderueshme. Shi i lehtë do të bjerë në disa vende në pjesët juglindore dhe malore..

botuar më 25-10-15 7.25.MD