Në një takim me komunitetin bullgar në Los Anxhelos, kryeministri në detyrë Dimitër Gllavçev bëri thirrje për votim masiv në zgjedhjet e parakohshme parlamentare të 27 tetorit. “Do të bëj çdo gjë që të kemi zgjedhje të ndershme dhe transparente,” deklaroi ai, duke theksuar se sa e rëndësishme është formimi i një qeverie të rregullt në vendin tonë. “Arritjet tuaja në kushtet e mjedisit më konkurrues në botë – SHBA-së, jam i sigurt se i keni arritur, duke e mbajtur Bullgarinë në zemër”, tha kryeministri. Ai i siguroi përfaqësuesit e komunitetit bullgar se vendi ynë do të vazhdojë të mbështesë nismat e tyre të shumta. Dimitër Glllavçev theksoi gjithashtu rëndësinë e shkollave bullgare të së dielës dhe veprimtarinë e tyre të palodhshme arsimore, e cila kontribuon që brezat e ardhshëm të rriten me respekt dhe dashuri për Bullgarinë.

• Dimitër Gllavçev drejt bullgarëve në SHBA: Ajo që na mungon është uniteti