Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Presidenti kërkoi ndihmë nga Irani për lirimin e bullgarëve në Jemen

Presidenti bullgar Rumen Radev dhe homologu i tij iranian Masoud Pezeshkian në një takim në kuadër të Asamblesë së Përgjithshme të OKB-së
Foto: Qendra e Shtypit e Presidencës

Bullgaria mbështet misionin fisnik të OKB-së dhe politikat e zhvillimit, jo konfliktet ushtarake për të përcaktuar të ardhmen e njerëzimit. Kështu deklaroi presidenti Rumen Radev në një takim me Sekretarin e Përgjithshëm të OKB-së Antonio Guterres në Nju Jork. Pikëpamja e përgjithshme ishte se krizat ushtarake në Ukrainë dhe Lindjen e Mesme kërcënojnë paqen dhe stabilitetin dhe përkeqësojnë ndarjen në botë. Kreu i shtetit shprehu shpresën se Këshilli i Sigurimit i OKB-së do të bëhet një mjet efektiv për të parandaluar konfliktet dhe krizat ushtarake në kohën e duhur, gjë që do të kthejë fokusin e njerëzimit në Objektivat e Zhvillimit të Qëndrueshëm të OKB-së. Radev shprehu shqetësimin e tij edhe për operacionet e vazhdueshme ushtarake pranë kufijve të Evropës, si rezultat i të cilave po shtohen flukset migratore, po rritet rreziku i radikalizimit dhe akteve terroriste.

Presidenti Radev zhvilloi biseda joformale me kolegët e tij në kuadër të sesionit të 79-të të Asamblesë së Përgjithshme të OKB-së. Në një takim me presidentin e Iranit, Masoud Pezeshkian, ai përshëndeti synimin e deklaruar të udhëheqjes së re shtetërore në Teheran për të thelluar dialogun me vendet e BE-së. Presidenti Radev i bëri thirrje homologut të tij iranian për mbështetje në negociatat për lirimin e kapitenit dhe bashkëkapitenit të anijes "Galaxy Leader" të ndaluar në brigjet e Jemenit, si dhe për ndihmën e Republikës Islamike për lirimin e të gjithë pengjevе të “Hamasit” të kapur gjatë sulmit të 7 tetorit. Pezeshkian e ftoi Radevin të vizitojë Iranin në një kohë të përshtatshme për të dyja vendet, transmeton BTA.



Последвайте ни и в Google News Showcase, за да научите най-важното от деня!

Më shumë nga rubrika

Parashikimi i motit për 23 tetorin 2025

Të enjten , temperaturat minimale do të jenë nga 6 deri në 11°C, ndërsa në bregdetin e Detit të Zi nga 13 deri në 16°C; në Sofje – 7°C. Në mëngjes , në disa ultësira dhe lugina, dukshmëria do të jetë e kufizuar për shkak të mjegullës ose..

botuar më 25-10-22 7.35.MD
Valérie Hayer

“Rinovo Evropën” kërkon që Komisioni Evropian të dërgojë urgjentisht një mision në Bullgari

Kryetarja e grupit “Rinovo Evropën” në Parlamentin Evropian, Valérie Hayer, kërkoi që Komisioni Evropian të dërgojë urgjentisht një mision në Bullgari për të vlerësuar situatën me sundimin e ligjit, si dhe për të ngrirë të gjitha pagesat në kuadër të..

botuar më 25-10-22 6.48.MD
Kostadin Angellov

Mjekët e rinj do të marrin rritjen e dëshiruar të pagave të tyre

Në nivel koalicioni, kemi vendosur të plotësojmë kërkesat e paraqitura nga mjekët e rinj në lidhje me nivelet e pagave, tha në një takim të Komisionit Parlamentar të Shëndetësisë kryetari i tij Kostadin Angellov, njoftoi gazetarja e BNR-së Milla..

botuar më 25-10-22 5.11.MD