Cili është niveli i decibelit të një motori avioni ose të një pëshpëritjejе, një bisede normale, të lëvizjes së një makine me shpejtësi 60 km/h, të një koncerti rok dhe cilat janë vlerat e rrezikshme për shëndetin e njerëzve dhe të kafshëve? Përgjigjet e këtyre dhe shumë pyetjeve të tjera i japin shkencëtarët e Akademisë Bullgare të Shkencave në monografinë kolektive "Qasja procedurale në arsim", e dedikuar për mësuesit e shkollave të mesme, e cila do të prezantohet në Sofje. “Monografia përfshin mësime specifike me tema që lidhen me një mënyrë jetese të shëndetshme në mjedis urban, perceptimin ndijor dhe identitetin, median dhe edukimin qytetar, marrëdhëniet ndërpersonale, mjedisin social dhe shëndetin mendor. Për përgatitjen e tyre u shfrytëzua qasja procedurale e filozofit dhe matematikan anglez Alfred Uajthed”, tha doc. Silvia Borisova.