Pjesëmarrësit e Ekspeditës së 33-të Kombëtare të Antarktidës të udhëhequr nga Prof. Hristo Pimpirev u mblodhën në një kamp-takim trajnimi nga 25 deri më 27 tetor në Ahelloj (Bullgaria Juglindore). Këtë vit, në ekspeditë do të marrin pjesë edhe shkencëtarë nga Greqia, Mali i Zi, Emiratet e Bashkuara Arabe, Kolumbia, Portugalia dhe Ekuadori. Pritet që ekspedita të niset në muajin dhjetor. Para BNR, Prof. Pimpirev theksoi se për Greqinë dhe Emiratet e Bashkuara Arabe kjo do të jetë hera e parë që ata shkelin në Antarktidë. Shkencëtarët kanë përqendruar vëmendjen e tyre në studimin e ndryshimeve klimatike dhe shkaqeve të tyre, sepse ndryshimet klimatike që prekin të gjithë planetin janë më të dukshme në Antarktidë. Për të arritur mesazhet e tyre për një audiencë gjithnjë e më të madhe, eksploruesit polar përdorin edhe metodat e artit. Një film për jetën e bazës kërkimore bullgare në Antarktidë do të transmetohet në kuadër të Kinomania. Dhe gjatë ekspeditës do të xhirohet edhe filmi i parë dokumentar artistik me metrazh të plotë.

Sipas Prof. Pimpirev, Antarktida ofron mundësi të jashtëzakonshme për artistët të cilët mund ta prezantojnë atë para njerëzve, ndaj është dëshira e tij që gjithnjë e më shumë artistë të vizitojnë Kontinentin e Akullit.