Arkeologët zbuluan një shishe qelqi shumë të rrallë dhe të vlefshme në një varr të shekullit të II-të në nekropolin jugor të kolonisë romake Deultum pranë fshatit Debellt /Bullgaria Juglindore/. Gjëja unike është se ajo përshkruan mitin e përbindëshit Himara, i mundur nga heroi Belerofont mbi kalin me krahë Pegazi - njofton platforma e specializuar archaeologia-bulgarica. Skena u njoh nga Dobrina Harbalieva nga Muzeu Historik Komunal në Sredec, në bashkëpunim me Dr. Arina Korzun nga Instituti i Studimeve Ballkanike me Qendrën për Trakologji pranë Akademisë Bullgare të Shkencave. Përbindëshi që merr frymë nga zjarri me kokë luani, bisht dragoi dhe trup dhie besohet të jetë përshkruar për herë të parë nga Homeri në “Iliada”. Edhe pse ajo duket e egër dhe pretendon të jetë e pavdekshme, Himera megjithatë goditet nga shigjeta e heroit Belerofont, me ndihmën e perëndeshës Athena. Dy fitimtarët kryejnë më shumë bëma së bashku, por në fund Belerofont dëshiron të ngjitet te perënditë e Olimpit. Por ai bie nga shpina e Pegazit, kujtojnë arkeologët.
Lexoni më shumë nga koleksioni i Radio Bullgarisë:
Përpiloi: Gergana Mançeva
Përgatiti në shqip dhe publikoi: Svetllana Dimitrova
Foto: Rezervati Arkeologjik Kombëtar Deultum - Debellt
Ringjallja e shtetit bullgar pas pesë shekujsh sundimi osman është lidhur me Kryengritjen e Prillit të vitit 1876 dhe Organizatën e Brendshme Revolucionare të themeluar më parë nga Vasill Levski . Pas Traktatit të Berlinit të vitit 1878,..
Përfunduan kërkimet arkeologjike nënujore në Gjirin Taukliman (i njohur edhe si Gjiri i Shpendëve), i cili ndodhet rreth 6 km në verilindje të Kepit Kaliakra. Në rrethinat e tij u lokalizuan dhjetëra objekte arkeologjike me vlerë të madhe historike:..
Gjatë gërmimeve të shpëtimit në nekropolin perëndimor të qytetit të lashtë të Heraclea Sintica pranë fshatit Rupite, arkeologët hasën në një zbulim unik: një fytyrë të gdhendur në mermer me mjeshtëri të jashtëzakonshme mbi një gur varri. Zbulimi ndodhi..
Pjesërisht me re
Mot i kthjellët
Vranësira të dendura