Programi i ditës
Audio Player
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Kryeministri Gllavçev për anëtarësimin e Bullgarisë në Shengen: Gjërat po shkojnë sipas planit

Foto: BTA

Rumania dhe Bullgaria kanë një shans për t'u bashkuar me zonën Shengen dhe me rrugë tokësore nga janari 2025. Kështu deklaroi ministri i brendshëm hungarez Sándor Pintér pas një takimi jozyrtar në Budapest të ministrave të brendshëm të Hungarisë, Bullgarisë, Rumanisë dhe Austrisë. Hungaria mban presidencën e radhës të Këshillit të BE-së dhe Austria është vendi që deri më tani ka bllokuar hyrjen tonë tokësore në Shengen për shkak të shqetësimeve për një rritje të migracionit të paligjshëm.

"Deri tani gjërat po shkojnë sipas planit. Ky takim ishte për të raportuar progresin e Bullgarisë dhe Rumanisë në drejtim të luftës kundër migracionit të paligjshëm. Të mos harrojmë edhe përpjekjet e Turqisë, e cila na ndihmon shumë në këtë drejtim, të merremi me luftën kundër migracionit ilegal”, komentoi kryeministri Dimitër Gllavçev.

Në takim, ministrat vendosën krijimin e një kontingjenti të përbashkët shtesë prej 100 personash përgjatë kufirit bullgaro-turk. Sipas ministrit të punëve të brendshme Atanas Illkov, edhe nëse të dy vendet pranohen nga fillimi i vitit 2025, kontrolli përgjatë kufirit midis Rumanisë dhe Bullgarisë do të ruhet përkohësisht për 6 muaj, por nuk do të jetë ashtu siç është në momentin e tanishëm, bëri të ditur gazetari i BNR Nikollaj Hristov.

Vendimi përfundimtar për anëtarësimin e plotë të Bullgarisë dhe Rumanisë në Shengen do të votohet më 12 dhjetor në Këshillin për Drejtësi dhe Punë të Brendshme.
Që nga marsi i këtij viti, Rumania dhe Bullgaria janë pjesë e Shengenit nga deti dhe ajri dhe tani presin hapjen e kufijve tokësorë.



Последвайте ни и в Google News Showcase, за да научите най-важното от деня!

Më shumë nga rubrika

Bullgaria po kalon në orën verore astronimike – çfarë na sjell kjo?

Të shtunën kundër të dielës (30 mars), ora 03:00në mëngjes, duhet të lëvizim akrepat e orës një orë përpara - deri në 04:00. Në këtë mënyrë, ne do të flemë një orë më pak në atë natë të caktuar, por në të njëjtën kohë, do të jemi në gjendje të..

botuar më 25-03-29 5.00.PD

Parashikimi i motit për fundjavën

Gjatë 24 orëve të ardhshme në vend do të mbizotërojë mot me vranësira. Shpërndarje të përkohshme të vranësirave do të ketë kryesisht në orët para mesditës. Gjatë orëve të natës dhe pasdites në shumë vende do të ketë reshje, në disa zona..

botuar më 25-03-28 7.30.MD
Teodora Georgieva

Prokurorja evropiane bullgare Teodora Georgieva u hoq përkohësisht nga detyra

Zyra e Prokurorit Publik Evropian konfirmoi për Radion Kombëtare Bullgare se prokurorja evropiane bullgare Teodora Georgieva u hoq përkohësisht nga detyra. Të mërkurën, Zyra e Prokurorit Publik Evropian informoi Parlamentin Evropian, Këshillin e BE-së..

botuar më 25-03-28 4.56.MD