Deputetët bullgarë dëshmuan në praktikë thënien se nëse përsëritet e njëjta gjë, nuk mund të pritet një rezultat tjetër. Sot ata u mblodhën në sallën plenare për provën e gjashtë për të zgjedhur kryetar i Kuvendit Popullor, e cila sërish rezultoi e pasuksesshme.
Përsëri në votim u vunë kandidaturat e Natalija Kisellova nga "BSP - E majta e bashkuar", Petër Petrov nga "Vëzrazhdane", Raja Nazarjan nga GERB dhe Sillvi Kirillov nga ITN. Sillvi Kirillov nga "Ka një popull të tillë" dhe Raja Nazarjan - GERB-SDS dolën përsëri në balotazh, por edhe një herë asnjë prej tyre nuk mori shumicën e nevojshme.
Në votimin e balotazhit nuk morën pjesë deputetët e DB-së. “Pjesa jonë e grupit parlamentar (DB është pjesë e koalicionit PP-DB, e cila doli e dyta në zgjedhje) nuk do të marrë pjesë”, tha Bozhidar Bozhanov nga “Po, Bullgaria”, duke theksuar se kanë vetëm 18 vota, nga të cilat kjo zgjedhje në fakt nuk varet.
Përpjekja e shtatë e radhës për zgjedhjen e kryetarit të Kuvendit Popullor do të jetë të enjten, më 28 nëntor.
Kështu në praktikë jemi dëshmitarë të seancës së parë më të gjatë në historinë e parlamentarizmit bullgar, e cila po zhvillohet që nga 11 nëntori. Kjo bllokon punën e organit legjislativ, si dhe mundësinë që presidenti t'ia dorëzojë mandatin e parë eksplorues për formimin e qeverisë fituesit të zgjedhjeve parlamentare të 27 tetorit - GERB-SDS. Sipas kushtetutës, “presidenti, pasi konsultohet me grupet parlamentare, cakton një kandidat për kryeministër, të propozuar nga grupi më i madh parlamentar, për të formuar qeverinë”. Kështu dorëzohet mandati i parë eksplorues.
Megjithatë, grupet parlamentare me të cilat presidenti duhet të konsultohet ende nuk janë shpallur zyrtarisht, pasi ato duhet të lexohen nga kryeparlamentari.
Më 26 nëntor, Gjykata Kushtetuese pranoi për shqyrtim pesë kërkesat për anulim të pjesshëm ose të plotë të zgjedhjeve për Legjislaturën e 51-të të Kuvendit Popullor të paraqitura nga PP-DB, “Vëzrazhdane”, ITN, BSP dhe “Veliçie”. Gjykata urdhëroi një rinumërim të votave me makinë dhe letër në 1777 seksione. Rezultatet e verifikimit të votimit duhet të jenë gati deri më 10 janar 2025.
“Kur kemi të bëjmë me diplomaci, duhet të merremi me faktet dhe të vërtetën zyrtare”, tha ministri i jashtëm Georg Georgiev në Kuvendin Popullor gjatë debateve të votës së mosbesimit ndaj qeverisë për shkak të dështimit të politikës së jashtme. Ai..
Të rinjtë bullgarë nuk janë një shoqëri apatike apo e radikalizuar, por megjithatë po bëhen gjithnjë e më të pasigurt për perspektivat e tyre në fusha të ndryshme të jetës – kjo duket qartë nga një studim mbi të rinjtë në vendin tonë, të cilin një grup..
Vazhdojnë protestat në Turqi pas arrestimit të kryebashkiakut të Stambollit Protestat masive në Turqi nuk janë qetësuar që nga arrestimi i kryebashkiakut të Stambollit Ekrem Imamoglu më 19 mars. Gati 1900 persona u arrestuan për pjesëmarrje në..
“Kur kemi të bëjmë me diplomaci, duhet të merremi me faktet dhe të vërtetën zyrtare”, tha ministri i jashtëm Georg Georgiev në Kuvendin Popullor gjatë..
Vranësira
Vranësira të dendura me shi
Vranësira të dendura