Këshilli Kombëtar për Bashkëpunim Trepalësh diskutoi projektbuxhetin për vitin 2025. Sindikatat dhe disa nga organizatat e punëdhënësve deklaruan mbështetjen e tyre në parim për propozimin.

Sipas Kënço Stojçev, nënkryetar i Shoqatës së Kapitalit Industrial në Bullgari, filozofia e buxhetit të shtetit është e gabuar. “Pikëpamja jonë është se krejt papritur filluam të shpenzojmë para që janë vetëm në letër. Gjermania është në një krizë serioze dhe është partneri ynë kryesor, Franca po shkon drejt një krize edhe më të madhe, bota është në krizë dhe nuk i shoh buferat në këtë propozim buxhetor”, thotë Stojçev. Sipas tij, ka ardhur koha që të kërkohen mënyra për të rritur të ardhurat”. Stojçev bëri thirrje që buxheti aktual i shtetit të vazhdojë të funksionojë në fillim të vitit 2025 dhe ai i propozuar të rishkruhet.