Plovdivi pret festivalin vjetor për filma bullgarë dokumentarë dhe të vizatuar "Ritoni i Artë", i cili do të zgjasë deri më 19 dhjetor. Përzgjedhja këtë vit është premtuese: mbi 50 filma konkurrojnë në programin e konkursit, ndërsa në edicionin jashtë konkursit "Horizontet e hapura" prezantohen 18 tituj të tjerë.
Fillimi u vu mbrëmë me shfaqjen e dokumentarit "Të panevojshmit" (1999), që paraqet tre histori personale gjatë të ashtuquajturit. “Procesi i Ringjalljes” në mesin e viteve 80 të shekullit të 20-të (përpjekjet e shtetit bullgar në këtë periudhë për të asimiluar me dhunë popullsinë myslimane në Bullgari). Autorja e filmit është regjisorja e njohur bullgare Adella Peeva, e cila u nderua me çmimin "Ritoni i Artë" për kontribut të jashtëzakonshëm në kinematografinë dokumentare bullgare.

Lexoni më shumë nga koleksioni i Radio Bullgarisë:
Programi i festivalit përfshin gjithashtu dy diskutime - për animacionin dhe kinemanë dokumentare. Përveç kësaj, shoqata "Filmautor" do të ndajë dy çmime për autorë të rinj nën 35 vjeç - një për një film dokumentar dhe një për kinemanë e animuar, si shtesë e çmimeve tradicionale, kurse publiku më i ri ka mundësinë të marrë pjesë në nismën “Kinema për studentët”, ku ofrohen shfaqje të veçanta për nxënës dhe mësues, të shoqëruara me diskutime tematike.

Përpiloi: Veneta Nikollova
Foto: zlatenriton.bg
Përgatiti në shqip dhe publikoi: Vesella Mançeva
Një nga ngjarjet më të rëndësishme në hartën kulturore të Bullgarisë – Festivali i artit operistik dhe baletik në Stara Zagora, fillon tradicionalisht me premierën e mikpritësve nga Opera e Stara Zagorës. Më 21 dhe 22 nëntor, trupa e parë operistike jashtë..
Në Panairin e 28-të të Librit në Tiranë, emri i përkthyeses së njohur Janka Trifonova Selimi u shpall mes fituesve të çmimeve, duke u vlerësuar me Çmim të Veçantë Karriere , nga Shoqata e Botuesve Shqiptarë në bashkëpunim me Ambasadën Bullgare në..
Filmi “Made in EU” fitoi Çmimin e Kritikëve në Festivalin e Filmit Arras në Francë, njoftoi ekipi i filmit të regjisorit Stefan Komandarev. Juria përbëhej nga kritikë filmi dhe gazetarë nga France 2, France Inter, Allociné, Konbini, Vanity Fair dhe..