Nga fillimi i Vitit të Ri, shkencëtarët bullgarë do të punojnë në një projekt në shkallë të gjerë në lidhje me teknologjitë e hidrogjenit dhe hidrogjenit për të ndihmuar në zhvillimin e transportit dhe energjisë më të pastër, tha për BNR Petër Teodosiev, kulturolog dhe kryeredaktor i revistës "Shkenca Bullgare". Sipas tij, maksimum pas shtatë vitesh, arritjet do ta bëjnë vendin tonë lider në këtë fushë në Ballkan.

Sipas Petër Teodosiev, një nga sukseset më të mëdha të shkencës sonë gjatë vitit është modeli i specializuar i gjuhës gjenerative bullgare i inteligjencës artificiale BgGPT, i krijuar nga Instituti për Kërkime Shkencore në Fushën e Shkencave Kompjuterike (INSAIT) në Universitetin e Sofjes "Shën Kliment Ohridski”.

Pavarësisht buxhetit të vogël, Bullgaria po zhvillohet me sukses në fushën e shkencës, është i bindur kulturologu. Ai jep si shembull Akademinë Bullgare të Shkencave, në të cilën funksionojnë rreth 50 institute, si dhe nja 50 institucionet ekzistuese të arsimit të lartë në vendin tonë. “E gjithë kjo jep diçka që akumulohet me kalimin e kohës. Shkenca punon me një grumbullim shumë të madh gjatë viteve”, është i bindur Petër Teodosiev.