Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Shën Stefani - martiri i parë për besimin e Krishtit

Foto: dveri.bg

Ditën e tretë pas Lindjes së Krishtit, më 27 dhjetor, Kisha jonë Ortodokse nderon kujtimin e Shën Stefanit - martirit të parë të krishterë. Emri i tij do të thotë "kurorë" dhe vjen nga greqishtja "στέφανος" (stéphanos). Ai simbolizon fitoren dhe nderin e qenësishëm të ndjekësit të Krishtit të kurorëzuar me kurorën e martirizimit. Pamja e tij paraqitet në derën e majtë të ikonostasit.

Stefani i ri u shugurua dhjak nga dishepujt e Jezu Krishtit dhe, si ata, ai bëri mrekulli - shëronte të sëmurët dhe dëbonte demonët. Kur bashkësia e krishterë e Jerusalemit u krijua për t'u kujdesur për të vejat dhe nevojtarët, Shën Stefani u bë punonjësi i saj i parë - kryedhjak. Kjo bashkësi u organizuar në mënyrë të drejtë dhe Kryedhjaku Stefan iu përkushtua tërësisht kujdesit për njerëzit. Judenjtë e kishin zili ndjekësin e Krishtit, i cili mblodhi rreth tij shumë besimtarë dhe e akuzuan për blasfemi përpara Sinedrit. Kur kryepriftërinjtë e thirrën, ai hodhi poshtë të gjitha akuzat përpara tyre dhe nga ana e tij i denoncoi për blasfemi dhe vrasje të profetëve që parashikuan ardhjen e Shpëtimtarit.Gjyqtarët e Shën Stefanit u zemëruan edhe më shumë dhe ia dorëzuan turmës për ta vrarë me gurë. Në vendin e vdekjes së tij të dhunshme, Shën Stefani iu lut Perëndisë që t'i falte armiqtë e tij. Dhe nga maja e Malit të Ullinjve, sipas teksteve ungjillore, Virgjëresha e Shenjtë dhe Shën Gjon Teologu e vëzhguan veprën e tij dhe u lutën me zjarr për të. Me kalimin e viteve, dëshmitë e martirizimit të shenjtorit u zbehën përderisa në fund të shekullit të IV u zbuluan lipsanet e tij. Prej tyre u përhap një aromë e mrekullueshme, u bënë shumë mrekulli dhe kujtimi i tij shkëlqeu si shembull i mëshirës dhe durimit.

Fillimisht, Kisha e përkujtoi atë më 26 dhjetor, pas Lindjes së Krishtit, por pas disa kohësh, Kostandinopoja caktoi 26 dhjetorin për kremtimin e Tubimit të Virgjëreshës së Bekuar. Nderimi i shenjtorit u zhvendos në 27 dhjetor, por Kisha Katolike vazhdon të festojë ditën e tij më 26 dhjetor.

Festa e Shën Stefanit është e lidhur në mënyrë të pandashme me Lindjen e Shpëtimtarit.

Shën Stefani është patron i kishave të shumta bullgare,njëra prej të cilëve prej vitesh po ndërtohet në një nga lagjet e Sofjes.

Ndër kishat që funksionojnë është dhe Kisha e Hekurt “Shën Stefani” në Stamboll. Kjo kishë është e lidhur ngushtë me luftën për pavarësinë kishtare të Bullgarisë.


Përgatiti në shqip dhe publikoi: Svetllana Dimitrova




Последвайте ни и в Google News Showcase, за да научите най-важното от деня!

Më shumë nga rubrika

Silistra shënon 85 vjet që kur Dobruxha Jugore iu rikthye Bullgarisë

Një ceremoni solemne do të mbahet në Silistra më 1 tetor për të shënuar 85-vjetorin e kthimit të Dobruxhës Jugore në Bullgari, raportoi BTA. Përfaqësues të autoriteteve lokale dhe qendrore dhe qytetarë do të vendosin lule para monumentit të..

botuar më 25-10-01 5.25.PD

Dita Botërore e Turizmit është një rast për të udhëtuar nëpër Bullgari

Që prej vitit 1980, bota e feston 27 shtatorin si Ditën Botërore të Turizmit.Ajo shoqërohet me përvjetorin e miratimit të statutit të Organizatës Botërore të Turizmit në vitin 1970. Një numër vendbanimesh bullgare organizojnë ngjarje të veçanta,..

botuar më 25-09-27 6.55.PD
Ilijana Jotova

Nënpresidentja e shtetit: Besimi i krishterë dhe shkrimi kanë ruajtur popullin tonë për 12 shekuj

Falë kristianizimit, shkrimit dhe gjuhës, populli bullgar dhe Bullgaria mbetën në kujtesën e Evropës edhe atëherë kur shteti bullgar zhdukej për shekuj të tërë nga harta politike e Kontinentit të Vjetër. Pagëzimi dhe krijimi i shkrimit bullgar kanë..

botuar më 25-09-24 3.43.MD