Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

The New York Times: Bullgaria është ndër destinacionet kryesore për vitin 2025 për shkak të Shengenit, dhe jo vetëm!

6
Lagja e Plovdivit të Vjetër
Foto: bulgariatravel.org

Ku do të na çojë viti i ri? “The New York Times” na ndihmon të nisim udhëtimet tona me propozime nga lista vjetore e 52 vendeve më të mira për t'u vizituar në 2025. Ndër to, Bullgaria shquhet si një destinacion tërheqës që përqendron vëmendjen e udhëtarëve nga e gjithë bota.

Botimi thekson se udhëtimi drejt vendit tonë është bërë më i lehtë se kurrë, falë heqjes së kontrolleve kufitare për vizitorët nga shumica e vendeve të Bashkimit Evropian (në lidhje me aderimin tonë në Shengen nga 1 janari 2025). Gjithashtu, pritshmëritë se Bullgaria do të adoptojë euron do të lehtësojë më tej turistët që vijnë nga jashtë.

Si pikënisje, “The New York Times” rekomandon Sofjen – kryeqytetin e Bullgarisë. Sofja përshkruhet si një udhëkryq i lashtë kulturor dhe shtëpi e "Trekëndëshit të Tolerancës Fetare", ku katedralet katolike, tempujt hebrenj, xhamitë myslimane dhe kishat ortodokse bashkëjetojnë në mënyrë paqësore.

Pikat e tjera kryesore përfshijnë Parkun Kombëtar të Rilës dhe Manastirin mistik të Rilës, të cilët ofrojnë pamje të paharrueshme dhe mundësi ecjeje.

Plovdiv, qyteti i dytë më i madh në vend, është gjithashtu në listën e destinacioneve të rekomanduara me sharmin e tij dhe jetën e gjallë të natës.

Për dashamirët e historisë dhe pamjeve të bukura, rekomandohet Veliko Tërnovo - një qytet me "arkitekturë spektakolare" i vendosur në shkëmbinj të thepisur.

Vendpushimet e Detit të Zi përmenden gjithashtu si vende ideale për relaksim.

“The New York times” përfundon me një rekomandim për lexuesit që të provojnë verërat e nënvlerësuara bullgare, të cilat i japin shije shtesë një udhëtimi tashmë të paharrueshëm.

Renditja e botimit përfshin gjithashtu destinacione ekzotike si Kosta Rika, e njohur për rezervatet e saj natyrore, qyteti plotë gjallëri Kioto në Japoni dhe të tjera. Lista është përpiluar me qëllimin për t'u ofruar udhëtarëve një sërë përjetimesh kulturore, natyrore dhe aventureske.

Bullgaria është në hartën botërore si një destinacion që ofron histori të pasur, bukuri natyrore dhe larmi kulturor, dhe viti 2025 është një kohë e shkëlqyer për ta vizituar atë.

Nëse dëshironi të njihni më mirë vendin tonë, vizitoni faqen shqip të Radio Bullgarisë ku do të gjeni informacion të pasur për rrugët kulturore, monumentet historike dhe natyrore, për të gjitha thesaret e fshehura të Bullgarisë dhe më shumë.


Përpiloi: Veneta Nikollova

Përgatiti në shqip dhe publikoi: Svetllana Dimitrova

Foto: bulgariatravel.org, BTA, Facebook /5MinutiSofia, pdbase.government.bg, Komuna Veliko Tërnovo




Последвайте ни и в Google News Showcase, за да научите най-важното от деня!

Galeria

Më shumë nga rubrika

Përtej reve – shkëmbinj dhe balona sërish në një kërcim magjik mbi Bellogradçikun

Bellogradçiku dhe shkëmbinjtë e tij të famshëm botërisht janë sërish skena e një spektakli magjik. Për pesë fundjava radhazi – nga 19 shtatori deri më 19 tetor – qyteti është mikpritës i edicionit të pestë të Festivalit të Balonave. Pritet që mbi 5 mijë..

botuar më 25-09-27 9.10.PD

Luks antik dhe përjetime moderne – Vila “Armira” e rinovuar bëhet një hit turistik

Në Rodopet Lindore, në vendin ku patrikët romakë pinin verë nën kolona mermeri, sot turistët veshin toga autentike dhe mahniten nga mozaikët origjinalë të shekujve II-III. Vila “Armira” – e vetmja rezidencë aristokratike romake e ruajtur në Ballkan me..

botuar më 25-09-20 9.15.PD

Një dekadë në 18 000 fotografi – Sofja përmes syve të Ivan Shishiev

10 vite dhe 18 000 fotografi të publikuara – ky është bilanci i Ivan Shishiev, i cili lejoi veten të hedhë një vështrim të shkurtër pas në dekadën e kaluar. Vite, në të cilat ai ka fiksuar pa numër momente, fytyra dhe vende simbolike në kryeqytetin..

botuar më 25-09-17 7.00.PD