Në ekspozitën më të madhe turistike për klientët fundorë në Evropë - CMT Stuttgart, Kompleksi Arkitektonik "Muzeu i Feve" në qytetin Stara Zagora fitoi një nga tri çmimet kryesore në Konkursin Ndërkombëtar CT AWARD, njoftoi BTA. Çmimi është në kategorinë "Promovimi i dialogut ndërfetar" dhe u fitua në konkurrencë me 18 vende. Fituesit e tjerë në kategori janë një objekt nga Irlanda dhe një projekt i përbashkët i Italisë me Slloveninë.

“Muzeu i feve” në Stara Zagora ndodhet në Eski Xhamia të ndërtuar në vitin 1409. Është e vetmja ndërtesë e mbijetuar pasi qyteti u dogj në vitin 1877 dhe shërbeu përkohësisht si kishë. Pas gërmimeve arkeologjike, në sallën e lutjeve u ekspozuan themelet e një tempulli të krishterë të shekullit të X-të, një vend i shenjtë trak i shekullit të X-të para Krishtit dhe një gropë kulti nga epoka romake. Ideja e ekspozitës është vazhdimësia e vendeve të adhurimit dhe mesazhi se nuk ka rëndësi se cilit Zot i lutesh apo si lutesh, por për çfarë lutesh.

Për qytetin Stara Zagora më shumë mund të lexoni në koleksionin e Radio Bullgarisë:  

• Banesat e neolitit në Stara Zagora – më të vjetrat në Evropë

• Muzeu i feve “Eski xhamia”

• Qyteti Stara Zagora është finalist për “oskarët” turistikë ballkanikë