"Njeriu që nuk mund të heshtte më" është një bashkëprodhim me pjesëmarrje bullgare, i nominuar për Oscar. Ai u krijua në bashkëprodhim me Katja Triçkova nga Contrast Films dhe ka një shans për të fituar në kategorinë për filmin më të mirë të metrazhit të shkurtër. Filmi bazohet në ngjarje reale dhe zhvillohet në vitin 1993 në Stripçi të Bosnjë-Hercegovinës. Në të, një tren pasagjerësh nga Beogradi në Bar ndalohet nga forcat paraushtarake në një sulm të spastrimit etnik. Ndërsa nxirrnin nga treni civilë të pafajshëm, vetëm një nga 500 njerëz - Tomo Buzov - guxonte t'i kundërshtojë. Filmi me metrazh të shkurtër fitoi Palmën e Artë për filmin më të mirë të shkurtër dhe Çmimin e Filmit Evropian në të njëjtën kategori. Regjisor është Nebojsha Sljepçeviç, ndërsa në ekipin prapa kamerës ka pjesëmarrje bullgare - në kostume, zë, grim dhe flokë.