Sot do të kthehemi pas në kohë me SARACTA, ose "Kujdestari" - kështu quhet aventura e guximshme muzikore e producentëve Fabrizio Parisi dhe The Editor. Sfida këtë herë përfshin edhe një emër legjendar të muzikës bullgare – Gospodin Gospodinov-Gepi. Kujtojmë se me këtë projekt ai u rikthye pas një pauze muzikore 20-vjeçare. Këndimi “isopolifonia” dhe ritmi jokomercial house na kthejnë shekuj pas. Zëri hipnotizues zgjon energjitë primare dhe zbulon ligjet universale pak të njohura për njeriun modern. Në këtë kontribuon edhe tingulli i gajdeve që luan Gepi, i cili bashkë me Fabrizio Parisin dhe The Editor është autori i muzikës.
“Saracta” na zhyt në misticizmin e bullgarëve të lashtë, në kalendarin e të parëve tanë, në sekretet e solsticeve dhe ekuinokseve verore e dimërore.
Videoja e "Saracta" nuk plotëson, por ndërton mbi mesazhet. Fokusi kryesor i tij është kalendari protobullgar - kalendari më i vjetër dhe më i saktë në botë. Gepi merr rolin e "Kujdestarit" që krijon dhe ruan këtë kalendar. Misticizmi është thurur në të gjitha rekuizitat dhe madje edhe kostumet, vepër e Pllamena Boevës– një kostumografe me famë botërore që ka bërë studime në studion e filmit Cinecitta në Romë, e cila punon ekskluzivisht për skenën teatrore italiane.
I gjithë vizioni i "Saracta" është një histori mistike për paraardhësit tanë të lashtë dhe të lavdishëm, duke kapërcyer kufijtë e muzikës.
Foto: YouTube / Fa&MiMusic
Përgatiti në shqip dhe publikoi: Vesella Mançeva
Tenori bullgar me famë botërore Bojko Cvetanov do të festojë 70-vjetorin e lindjes me një koncert më 18 tetor në Klubin Qendror Ushtarak në Sofje. Partneri i tij në këtë ditë të veçantë për interpretuesit dhe publikun do të jetë orkestra e mandolinave..
Ljubo Kirov do ta përfundojë turneun e tij kombëtar "25 vjet në skenë" jo me një, por me dy koncerte në Sallën 1 të Pallatit Kombëtar të Kulturës në Sofje - më 16 dhe 17 tetor. Në to, hitet e preferuara të këngëtarit do të interpretohen të shoqëruara..
Orkestra e Muzikës Popullore e Radios Kombëtare Bullgare do të hapë sezonin e saj të 73-të krijues me një koncert më 16 tetor në orën 19:00 në Studion e Parë të Radios. Ansambli, i dirigjuar nga maestro Dimitër Hristov , do të prezantojë vepra..
Tenori bullgar me famë botërore Bojko Cvetanov do të festojë 70-vjetorin e lindjes me një koncert më 18 tetor në Klubin Qendror Ushtarak në Sofje...