Në mënyrë festive dhe me respekt ndaj përvjetorit të 143 të lindjes së Vlladimir Dimitrov - Mjeshtrit, Galeria e Arteve e Qytetit Kjustendill jep Çmimin Kombëtar të Pikturimit për vitin 2024 me emrin e piktorit të famshëm bullgar.
Për çmimin u nominuan pesë piktorë të shquar – Bogdan Aleksandrov, Velin Dinev, Krasimir Karabaxhakov, Krasimir Rusev, Nikollaj Janakiev. Sipas një tradite të vjetër, emri i fituesit të çmimit shpallet në një ceremoni solemne në galeri në ditën e lindjes së Vlladimir Dimitrov – Mjeshtrit - 1 shkurt.
Në të njëjtën ditë, në Kjustendill hapet ekspozita e pikturave të fituesit të vitit të kaluar të Çmimit Kombëtar të Pikturimit - Dimitër Çollakov nga qyteti Popovo, biografia krijuese e të cilit përfshin mbi 50 ekspozita vetjake në Bullgari dhe jashtë saj.
Çmimi i parë me emrin e Mjeshtrit u dha në vitin 1973, kur u themelua nga Lidhja e Piktorëve Bullgarë. Deri në vitin 1989, kishte 39 laureatë, mes tyre piktorë emblematikë bullgarë si Zllatju Bojaxhiev, Nenko Ballkanski, Ilija Petrov, Genko Genkov, Millko Bozhkov etj. Megjithatë, tradita u ndërpre për të rifilluar në vitin 2012, kur çmimi iu dha Prof. Andrej Daniel (1952-2020).
Lexoni më shumë nga koleksioni i Radio Bullgarisë:
Përpiloi: Gergana Mançeva
Përgatiti në shqip dhe publikoi: Svetllana Dimitrova
Foto: BTA
Çdo vit më 18 maj shënojmë Ditën Ndërkombëtare të Muzeve. Fillimi është vënë në vitin 1977 nga ICOM (International Council of Museums) – Këshilli Ndërkombëtar i Muzeve. Ideja fillimisht ishte të tregonte se “muzetë janë një mjet i rëndësishëm për..
Radhë pritjeje formohen përpara të gjitha muzeve dhe galerive të mëdha në një ditë të vitit. Kjo është koha kur zhvillohet iniciativa e përbashkët evropiane “Nata e muzeve”. Më 17 maj, muzetë dhe galeritë bullgare hapin dyert me hyrje falas për..
Një artist i ri bullgar vendos me vullnetin e tij të lirë të largohet nga kjo botë në mesin e shekullit të kaluar për të ruajtur vetveten, edhe pse i mundur nga sistemi në një nivel thjesht fizik. Aktualisht, në galerinë e Institutit Kulturor Bullgar..
Nga data 4 deri më 12 korrik, në qytetin çek Karlovy Vary do të mbahet edicioni i 59-të i festivalit ndërkombëtar të filmit. 9 nga gjithsej 11 titujt në..