VFU (Visionary Font Ultra) – ky është emri i shkronjave me të cilat studenti i vitit të tretë në Universitetin e Lirë në qytetin Varna, Vollodimir Fedotov, prezantohet në Trienalen Ndërkombëtare të Tipografisë në Poloni.

“Krijimi i një fonti kërkon një ndjenjë simetrie, ekuilibri dhe pak njohuri matematikore për të ruajtur përmasat në secilën shkronjë”, shpjegon studenti që mëson “Dizajn Grafik” në kryeqytetin tonë detar.

Vollodimir është një nga tre përfaqësuesit e Bullgarisë të përzgjedhur për të marrë pjesë në ekspozitën e forumit të tipografisë "Prof. Józef Mroszczak". Shkronjat e tij origjinale do të ekspozohen, së bashku me postera nga autorë të rinj nga Polonia, Danimarka, Gjermania, Britania e Madhe, Franca, Holanda etj.

Ekspozita e 50 pjesëmarrësve më të mirë në programin konkurrues të Trienales Ndërkombëtare të Tipografisë do të hapet më 21 mars në Muzeun e Shtypjes në qytetin polak Novi Targ. Fedotov pret që GOOGLE të shtojë shkronjat e tij në bazën e të dhënave.

Foto: VSU, BNR – Radio Varna