Gjatë kërkimeve shkencore gjeofizike në akullnajën Kondell në Antarktidë dhe në afërsi të bazës bullgare "Shën Kliment Ohridski", fizikani bërthamor Vasill Gurev ra në një të çarë të thellë akulli. Falë protokollit të sigurisë të ndjekur dhe lëvizjes jashtë zonës së bazës në një komunikim alpin, partneri i Gurev - ndihmësi në terren Aleksandër Vëllçev, arriti ta mbajë atë në një thellësi prej dy metrash dhe ta nxjerrë në sipërfaqe. Këtë e bëri të ditur udhëheqësi i ekspeditave bullgare në Antarktidë, Prof. Hristo Pimpirev, cituar nga BTA. “Aksidenti përfundoi pa komplikime dhe tregoi rëndësinë ekstreme të respektimit të rregullave të sigurisë dhe punën profesionale të ekipeve. Kërkimet gjeofizike në akullnajën Kondell vazhdojnë pa ndërprerje”, shtoi Pimpirev.