Dy kuratorë nga Muzeu i Historisë Natyrore në Plovdiv udhëtuan në Polin e Jugut si pjesë e Ekspeditës së 33-të Antarktike Bullgare. Qëllimi i udhëtimit të Kristijan Vlladov dhe Stefan Kjurkçiev është pasurimi i koleksioneve të muzeut, si dhe kërkimi i ardhshëm i mekanizmave unikë të përshtatjes së organizmave të Antarktidës në kushte të kontrolluara.

Muzeu i Historisë Natyrore shpreson që brenda dy muajsh t'u prezantojë qytetarëve dhe mysafirëve të Plovdivit akuariumin e rinovuar të akullit me shtesa të reja nga biodiversiteti i Oqeanit Jugor. Muzeu është i vetmi në vendin tonë që ka një akuarium ekspozues akulli dhe speciet që vizitorët mund të shohin sigurohen nga pjesëmarrësit në ekspedita në kontinentin e akullt, njoftoi korrespondentja e BNR Kremena Daneva nga Plovdiv.