Qeveria kërkoi një takim urgjent me përfaqësuesit e Komisionit Evropian për shkak të prokurimit të anuluar për blerjen e 35 trenave sipas Planit të Rimëkëmbjes dhe Qëndrueshmërisë. Ministri i transportit Grozdan Karaxhov në komisionin përkatës parlamentar shpjegoi se ka ende mundësi që procedura të vazhdojë. Në fund të vitit 2024 Gjykata e Lartë Administrative anuloi një vendim të Komisionit për Mbrojtjen e Konkurrencës dhe ndërpreu procedurën për përzgjedhjen e kontraktorit për furnizimin e trenave të rinj. Sipas kontratës së prokurimit të anuluar, hekurudha shtetërore duhej të merrte 35 trena me një çmim prej 330 milionë euro dhe financim në kuadër të Planit të Rimëkëmbjes dhe Qëndrueshmërisë. Ministri shpjegoi se kërkoi një takim të nivelit të lartë me Komisionin Evropian dhe beson se ka të paktën 3 opsione për të shpëtuar prokurimit.