Për qeverinë e sapozgjedhur është e rëndësishme se çfarë buxhet do të propozojë dhe do të mbrojë dhe nëse arrin të mbledhë mbështetjen e parlamentit, si do të garantojë zbatimin e tij. Këtë e deklaroi kryeministri Rosen Zheljazkov në përgjigje të një pyetjeje parlamentare. “E rëndësishme është rritja e të ardhurave, jo e shpenzimeve, të hedhim dritë mbi ekonominë joformale”, ishte kategorik kryeministri. Tregu duhet të rregullohet, por të mos ketë ndërhyrje që të çojnë në deficit dhe spekulime, kështu e komentoi Zheljazkov kërkesën e partive në pushtet dhe opozitë për kontroll mbi çmimet e larta të mallrave esenciale. Kryeministri Zheljazkov theksoi se ndërhyrja e drejtpërdrejtë e shtetit në treg për mallrat nga shporta e vogël e konsumatorit është një ndërhyrje e papranueshme në treg. Sipas tij, kjo nuk përjashton masat e kontrollit me ndihmën e autoriteteve rregullatore.