Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Kostumet autentike nga filmi i paharrueshëm "Kapedani Petko Vojvoda" janë ekspozuar në Varna

Foto: museumvarna.com

Muzeu i Rilindjes Bullgare në Varna paraqet një koleksion prej 15 kostumesh autentike popullore nga koleksioni i Muzeut Historik në qytetin e Popovos. Kostumet me vlerë janë nga rajonet pranë qytetit Ellhovo dhe Ivajllovgrad, si dhe vende që janë aktualisht brenda kufijve të Greqisë - qyteti i Gjymylxhine, qyteti Soflu, qyteti Alexandroupoli, fshati Dogan Hisar – vendet ku jetoi dhe zhvilloi veprimtarinë e tij revolucionare kapedani Petko Vojvoda (kaçaku) (06/12/1844 – 07/02/1900), i cili ia kushtoi jetën lirimit të të nënshtruarve nga Perandoria Osmane.

Rrobat në ekspozitën "Nga qendra kinematografike në vitrinën e muzeut" i përkasin një koleksioni të mbledhur nga ekipi i serialit të njohur bullgar prej 12 serish "Kapedani Petko Vojvoda" të realizuar në fund të shekullit të XX-të. Gjatë xhirimit të historisë së kapedanit, u përdorën mbi 300 elementë kostumesh dhe aksesorë, të cilët me shumë mundësi ishin të shekullit të XIX-të. Filmi “Kapedani Petko Vojvoda” është filmuar nga kinooperatori Dimo Kollarov, me origjinë nga Popovo dhe pas përfundimit të xhirimeve jep idenë që kostumet t'ia dhurojnë Shoqatës së Bullgarëve Trakë të fshatit Svetlen. Më pas ato iu dorëzuan Muzeut Historik në Popovo, ku kishte kushte më të mira për mirëmbajtjen dhe ruajtjen e tyre.

Ekspozita “Nga qendra kinematografike në vitrinën e muzeut” mund të shihet deri më 7 mars në kryeqytetin tonë bregdetar.

Mund të mësoni më shumë për Kapedanin Petko Vojvoda nga koleksioni i Radio Bullgarisë:

Përpiloi: Gergana Mançeva
Foto: museumvarna.com, BTA-arkiva

Përgatiti në shqip dhe publikoi: Kostandina Bello



Последвайте ни и в Google News Showcase, за да научите най-важното от деня!

Më shumë nga rubrika

"Ariu në kontekstin e ekoturizmit" është tema e një takimi në Smoljan

Një takim me temën "Ariu në kontekstin e ekoturizmit: mundësi dhe perspektiva" do të mbahet sot, 11 nëntor, në ndërtesën e Bashkisë së Smoljanit. Eventi është organizuar nga WWF Bullgaria dhe Shoqata "Horizonte të Reja" - Smoljan dhe synon të bashkojë..

botuar më 25-11-11 4.05.PD

Eurodeputeti Andrej Kovaçev bëri thirrje për ndryshime në Ligjin për Shtetësinë Bullgare

Eurodeputeti i Partisë Popullore Evropiane, Andrej Kovaçev, bëri thirrje për miratim urgjent të ndryshimeve në Ligjin për Shtetësinë Bullgare gjatë një diskutimi me gazetarët bullgarë në Bruksel. Ligji aktual i shtetësisë bullgare është jologjik..

botuar më 25-11-10 6.21.MD
Magdalena Stojanova

Vizatimi i një vajze bullgare u vlerësua në një konkurs botëror për shëndet dhe art

Shtatëvjeçarja Magdalena Stojanova nga Shkolla e Artit “Kolorit” në Pleven fitoi medaljen e artë dhe çmimin e Konkursit Ndërkombëtar për vizatim fëmijësh “Shëndeti 2025”. Ceremonia e ndarjes së çmimeve u zhvillua në Sao Paulo, Brazil, në kuadër të..

botuar më 25-11-10 11.21.PD