Canko Cankov u rikthye në tokën vendase në Burgas (Bullgaria Juglindore), pas pjesëmarrjes së tij të fundit në Kupën e Botës Dimërore të Notit në Gdynia të Polonisë pak ditë më parë. Notari bullgar fitoi tre medalje të arta - në 1000 m., 200 m. dhe 450 m., stil i lirë, në ujërat e Detit Baltik. Përpara BNT-së Cankov tha se kjo është hera e tij e parë kur ka notuar në disiplinën më të gjatë në këtë sport – 1000 m. në një temperaturë uji prej 2.6 gradë.

Bullgari, i cili u zgjodh si garuesi më i mirë i Kupës së Botës në notin në ujëra të akullta, theksoi se noti dimëror është një sport në të cilin po garojnë gjithnjë e më shumë sportistë të rinj me arritje gjithnjë e më të forta.

Në verë, Canko Cankov shpreson të marrë pjesë në shtatë maratonat më të vështira të notit në botë dhe të notojë përmes ngushticës Molokai, dhe në fund të vitit ai planifikon të përpiqet të përmirësojë rekordin botëror për notin 24-orësh pa ndalesë në një pishinë 25 metra në Burgas.

Lexoni më tepër në arkivin tonë:

• Canko Cankov notoi maratonën më të gjatë të zinxhirit Ocean 7

• Canko Cankov është kampion bote i notit në ujë të akullt

• Notari i maratonës Canko Cankov nominohet për "Burri i Vitit" nga WOWSA

• Canko Cankov notoi mbi 36 km në ujërat e ftohta të Oqeanit Paqësor