Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Shkencëtarët bullgarë në Antarktidë analizojnë aktivitetin diellor dhe ndikimin e tij në Tokë

Ivajllo Naçev
Foto: Marina Velikova (BNR)

Në bazën bullgare të Antarktidës “Shën Kliment Ohridski” janë instaluar pajisje matëse që mbledhin të dhëna të vlefshme për aktivitetin diellor dhe lidhjen e tij me fushën magnetike të Tokës për dy muaj. Studimet po kryhen në kuadër të projektit të parë të astronomisë polare të Bullgarisë - "Ndikimi i aktivitetit diellor në dinamikën jonosferike dhe flukset e grimcave me energji të lartë mbi Antarktidë" - mbi të cilin punon asistenti kryesor Dr. Ivajllo Naçev nga Universiteti Teknik - Sofje.

Ivajllo Naçev

Në kuadër të projektit po kryhen katër eksperimente kryesore. I pari ka për qëllim matjen e emetimeve të radios të krijuara nga ndezjet diellore. Antarktida ofron një mjedis jashtëzakonisht të pastër për vëzhgime të tilla, pasi nuk ka shqetësime lokale si teknologjitë e komunikimit. Kjo lejon një lidhje të qartë të një sinjali radio të veçantë me aktivitetin specifik diellor, shpjegon studiuesi.


Eksperimenti i dytë heton ndezjet diellore dhe ndikimin e tyre në jonosferë. Gjëja interesante këtu është se pajisjet e zhvilluara në Universitetin Teknik janë instaluar si në Bullgari ashtu edhe në ishullin Livingstone.

Eksperimenti i tretë ka për qëllim matjen e ndryshimeve në fushën magnetike të Tokës dhe lidhjen e tyre me aktivitetin diellor.

Eksperimenti i katërt studion grimcat me energji të lartë që hyjnë në atmosferë gjatë nxjerrjeve të plazmës ose masës koronale nga Dielli.

Të dhënat do të ndihmojnë kërkimin shkencor në lidhjen midis fushës magnetike të Tokës dhe aktivitetit diellor, si dhe do të ofrojnë informacione të reja rreth stuhive gjeomagnetike.

Më pas, rezultatet e publikuara do të lejojnë shkencëtarë të tjerë të analizojnë marrëdhëniet midis aktivitetit diellor, stuhive gjeomagnetike dhe ndikimit të tyre në shëndetin e njeriut.


Përpiloi: Elena Karkallanova

Foto: Marina Velikova (BNR),  BTA

Përgatiti në shqip dhe publikoi: Vesella Mançeva


Последвайте ни и в Google News Showcase, за да научите най-важното от деня!

Më shumë nga rubrika

Nxënësit bullgarë të shkencës dhe gjuhësisë kthehen me 12 çmime

Këtë mëngjes, nxënësit bullgarë të shkencës dhe gjuhësisë u kthyen me 12 çmime nga olimpiadat më prestigjioze ndërkombëtare në Tajvan dhe Filipine. Vanesa Kalinkova, një nxënëse nga Shkolla e Mesme e Specializuar e Shkencës dhe Matematikës në..

botuar më 25-07-28 6.06.MD
Fshati Kozarevo, rrethi i Jambolit

Bullgaria po digjet! Ka ndihmë, por bilanci është i rëndë …

Kjo verë bullgare është e trishtueshme .  Nxehtësi me temperatura mbi 40 gradë për ditë të tëra. Dhe nxehtësia, së bashku me pakujdesinë dhe neglizhencën njerëzore, kanë ndezur qindra zjarre në të gjithë vendin tonë. Për javën e dytë,..

botuar më 25-07-28 3.44.MD

Lloje të reja duhani në Bullgari kundër ndryshimeve klimatike

Ndryshimet klimatike ndikojnë fuqishëm në bujqësinë në Bullgari, përfshirë edhe prodhimin e duhanit. Prandaj kërkohen lloje që janë në gjendje të përballojnë verërat e thata dhe të nxehta. Së fundmi, Shoqata Kombëtare e Prodhuesve të Duhanit – 2010..

botuar më 25-07-27 8.00.PD