Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

74% e mjekëve të rinj zgjedhin Bullgarinë

Foto: mu-sofia.bg

Për të tretin vit radhazi, numri i mjekëve të rinj që duan të qëndrojnë në Bullgari pas diplomimit po rritet. Këtë e tregojnë rezultatet e një sondazhi mes 224 të diplomuarve bullgarë në vitin 2024 në Fakultetin e Mjekësisë në Universitetin e Mjekësisë-Sofje. 74,3% e tyre planifikojnë të punojnë në Bullgari. Për herë të parë në më shumë se 10 vjet, përqindja e atyre që mbeten në vend është kaq e lartë. 86.2% e të diplomuarve duan të punojnë në spitale dhe vetëm 7.7% si mjekë të përgjithshëm. Vetëm 2.9% e të diplomuarve do të ndiqnin një karrierë shkencore.


Pritjet më të rëndësishme të mjekëve të rinj janë: përmirësimi i pagave (25%), përmirësimi i menaxhimit në të gjitha nivelet në sistemin e kujdesit shëndetësor (15.6%) dhe ofrimi i pajisjeve më moderne (12.4%).

25.7% e të diplomuarve në vitin 2024 planifikojnë të largohen nga vendi, 80.7% prej tyre drejt vendeve evropiane. Ata që dëshirojnë të punojnë në SHBA janë 5.3%

Motivet e mjekëve që duan të nisin nga Bullgaria janë: pagesa më e lartë jashtë vendit (22,7%), organizimi më i mirë i sistemit shëndetësor (19,4%).

Pediatria është në vendin e parë si specialiteti më i dëshiruar (10%). Në vendin e dytë është kardiologjia (9.3%), në vendin e tretë kirurgjia (8.7%).

Ceremonia e diplomimit për mjekët e rinj do to jetë më 26 shkurt 2025. Do  të marrin diplomë 577 mjekë të rinj, nga të cilët 224 studentë bullgarë dhe 353 të huaj.

Lexoni më shumë në arkivin tonë:

Foto: mu-sofia.bg, BGNES


Последвайте ни и в Google News Showcase, за да научите най-важното от деня!

Më shumë nga rubrika

76% e të rinjve në Evropë janë të ekspozuar ndaj dezinformimit – cila është situata në Bullgari

Çështja e informacionit cilësor dhe të saktë ka qenë gjithmonë jashtëzakonisht e rëndësishme, por a mos vallë tashmë jemi përballë një problemi që paraqet rrezik për përhapjen globale të lajmeve të rreme në të ardhmen? Sipas një studimi të Eurobarometrit,..

botuar më 25-09-27 8.05.PD
Facebook/Fondacioni

Mjekët bullgarë kryejnë konsulta mjekësore në fshatin shqiptar Pustec

Mjekë nga institucionet mjekësore bullgare po ekzaminojnë pacientë në fshatin shqiptar Pustec, njofton Ambasada e Bullgarisë në Tiranë . Iniciativa po zhvillohet falë organizimit dhe financimit të fondacionit “Kujtesa Bullgare” dhe themeluesit..

botuar më 25-09-26 8.59.MD

Vetëm 10% e fëmijëve të privuar nga kujdesi prindëror kanë leje për birësim

Aktualisht, nga gati 8000 fëmijë të privuar nga kujdesi prindëror, vetëm 850 kanë leje për birësim të plotë. Kjo u njoftua nga Zëvendësministri i Punës dhe Politikës Sociale Ivan Krëstev në një tryezë të rrumbullakët në Sofje, duke sakëtsuar se nga..

botuar më 25-09-26 5.06.MD