Në Bullgari, 58 për qind e prezantuesve dhe reporterëve janë gra, ndërsa meshkujt mbizotërojnë mes pjesëmarrësve dhe të ftuarve me një përqindje mesatare prej 69 për qind.Të dhënat janë nga monitorimi i fokusuar i Drejtorisë së Monitorimit dhe Analizës në Këshillin e Mediave Elektronike për pjesëmarrjen e përfaqësuesve të të dy gjinive në emisionet e lajmeve dhe aktualiteteve në programet radiotelevizive.

Ai u krye në periudhën nga 3 deri më 9 shkurt dhe është në lidhje me angazhimet e Këshillit të Mediave Elektronike për të promovuar barazinë midis grave dhe burrave. Sipas fjalëve të ngarkuarës me detyrën e kryetares së Rregullatorit të Medias, Simona Veleva, ekspertët meshkuj kanë më shumë gjasa të "ekspozohen në vëmendjen e medias dhe të ofrojnë ekspertizën e tyre". Sipas Velevës, në shoqërinë e ndarë në të cilën jetojmë aktualisht, në sfondin e presionit nga mediat sociale, jo shumë gra janë të gatshme të dalin publikisht me ekspertizën e tyre. Megjithatë, vërehen trende pozitive, që është gjithashtu një shenjë shumë e mirë, theksoi edhe Simona Veleva.