Ndërtimi i njësive të 7 dhe të 8 të Centralit Atomik Elektrik “Kozlloduj”është një hap kyç drejt garantimit të sigurisë energjetike të Bullgarisë. Ky qëndrim u shpreh nga kryeministri Rosen Zheljazkov në një takim me një delegacion nga Hyundai Engineering and Construction, të kryesuar nga kryedrejtori ekzekutiv Hanu Lee. Sipas tij, projekti ka rëndësi strategjike si për vendin tonë ashtu edhe për rajonin e Evropës Juglindore.

Në fund të vitit të kaluar filloi zbatimi i kontratës inxhinierike ndërmjet “Centralit Atomik Elektrik “Kozlloduj” – Kapacitete të Reja" dhe konsorciumit të përbërë nga degët bullgare të "Westinghouse Energy Systems" dhe "Hyundai Engineering and Construction". Kryeministri siguroi se vendi ynë do të bëjë gjithçka që është e nevojshme për të përshpejtuar procesin e zbatimit, pa qenë kjo në kurriz të zbatimit cilësor. “Ne i kushtojmë rëndësi të madhe sigurisë gjatë ndërtimit, si dhe funksionimit të sigurt të njësive në të ardhmen”, theksoi Rosen Zheljazkov.

• GERB kërkon që ndërtimi i reaktorëve 7 dhe 8 në centralin atomik “Kozlloduj” të përfundojë në kohë