Uzina e parë bullgare e automjeteve të blinduara e kompanisë "International Armored Group" filloi prodhimin e saj në qytetin Burgas. Kjo bëhet në partneritet me kompani nga industria jonë e mbrojtjes, si dhe me organizata ushtarake, shkencore dhe teknike. Makineritë e para që do të prodhohen janë modeli "Guardian Extreme" për misione luftarake, taktike dhe vëzhguese. Kompania bashkëpunon me kompani vendase për të prodhuar një pjesë të madhe të komponentëve. Për shembull, 65% e pjesëve të dronëve të destinuara për ekipet e shpëtimit, zbulimit dhe emergjencave janë bullgare.

"Bullgaria mund dhe duhet të renditet ndër qendrat evropiane për prodhimin e pajisjeve mbrojtëse. Ne marrim vlerësime shumë të larta nga specialistë të fushës dhe besoj se po vendosim standarde të reja për pajisjet ushtarake bullgare. Ndërtimi i një industrie moderne ushtarake në Bullgari nuk është një shpenzim, por një investim", tha pronari i kompanisë, Anton Stefov.