“Në emër të shtetit i shpallim luftë mafies së pronave”. Këtë e bëri të ditur në një konferencë për shtyp Ministri i Drejtësisë Georgi Georgiev. Ai shpjegoi se aktivitetet e saj kanë marrë përmasa të paprecedentë duke u karakterizuar me një paturpësi ekstreme dhe paralajmëroi të përfshirët në skema të tilla se do të përballen kokë më kokë me shtetin dhe autoritetet e tij gjyqësore. Në një konferencë të përbashkët për shtyp me ushtruesin e detyrës së Prokurores së Qarkut të Sofjes Svetllana Dimitrova dhe drejtorin e Drejtorisë së Punëve të Brendshme të Kryeqytetit, Ljubomir Nikollov, Georgiev deklaroi se në përgjigje të një rasti të disa ditëve më parë me gjyshen 90-vjeçare Janka, e cila humbi pasurinë e saj me vendim të një gjykate të arbitrazhit fantazmë, po përgatiten ndryshime legjislative. Për mashtrimin janë arrestuar disa persona. “Çështja për anulimin e vendimit të arbitrazhit nga ky i ashtuquajtur arbitrazh është në duart e tre gjyqtarëve suprem”, shtoi Ministri i Drejtësisë.